Хроника

Насилникот од Охрид оди во притвор – го гонат за три кривични дела

Обвинителството дејствувало брзо по пријавата

Основното јавно обвинителство Охрид поднесе обвинение против 31-годишен Охриѓанец за три кривични дела: „телесна повреда“, „противправно лишување од слобода“ и „загрозување на сигурноста“. Заедно со обвинението, до Основниот суд во Охрид е доставен и предлог за определување притвор.

Според обвинителството, при вршење семејно насилство, обвинетиот противправно ја затворил, физички ја нападнал, телесно ја повредил и ја загрозил сигурноста на оштетената – неговата 26-годишна девојка Сара.

Во текот на денот, јавниот обвинител презел повеќе дејствија за испитување на настанот. Оштетената била испитана во присуство на социјалните служби, а било наредено и извршено вештачење на видот и карактерот на нејзините повреди.

Обвинителството соопшти дека предлогот за притвор е доставен имајќи ги предвид утврдените околности во предметот и дека обвинетиот бил обезбеден за целото време од поведувањето на постапката.

Претходно, Министерството за внатрешни работи информираше дека на 15 ноември, околу 2 часот по полноќ, по расправија што започнала во домот на 31-годишниот Охриѓанец и продолжила во неговиот автомобил, тој физички ја нападнал својата девојка.

Откако го запрел возилото, продолжил со нападот, при што девојката изгубила свест и паднала. Таа била пренесена во Општата болница во Охрид, а потоа во болницата „Св. Еразмо“, каде што ѝ биле констатирани тешки телесни повреди.

Полицијата го лишила од слобода во 5:05 часот и го задржала во полициска станица. Првично, по барање на Обвинителството, Основниот суд во Охрид му определил мерки на претпазливост: забрана за приближување до оштетената на растојание помало од 50 метри, одземање на пасошот со забрана за издавање нов и обврска секој втор понеделник да се јавува во судот.

Сега Обвинителството го товари лицето за три кривични дела и бара определување притвор. Одлуката по предлогот треба да ја донесе Основниот суд во Охрид.

Најнови вести од: Хроника

„Мислеше дека е мртва и сакаше да се ослободи од нејзиното тело“, тврди мајката на претепаната девојка во Охрид

Најголемата среќа во целата оваа трагедија е што Сара дошла при свест пред напаѓачот да успее да ја однесе и да ја фрли во некоја провалија. Токму затоа, кога сфатил дека таа се освестила, ја фрлил на улица“, наведува мајката

Битолчанка (21) била давена од момчето – Откако бил пријавен, им избегал на полицајците низ прозорец

Бети Ангеловска од Битола, мајка на 21-годишна девојка која минатата недела во полиција пријавила дека била давена и задушувана со голи раце од момчето со кого била во врска и од кого според пријавата – година и половина трпела тепање, закани за убиство и психичко малтретирање, бара итно полицијата да го пронајде осомничениот, бидејќи откако бил пријавен, според нејзинината изјава, осомничениот им избегал на полицајците од полициската станица во Битола наместо да биде задржан.

Гасен пиштол со рамка пронајден кај ученик (15) во средно училиште во Тетово

На 13.11.2026 во 14:40 часот во средно училиште во Тетово, полициски службеници од СВР Тетово, во присуство на родител и училишниот педагог, лишија од слобода 15-годишен малолетник од Тетово затоа што при преглед кај него биле пронајдени и одземени пиштол „Зораки 918-Г“ калибар 9 мм и една рамка.

Мајка цела ноќ ја барала исчезнатата ќерка (12): Била заклучена во автомобил во Сарај!

Мајка од Скопје пријавила дека нејзината 12-годишна ќерка била заклучена против своја волја во автомобил од малолетник, по средба во паркот Сарај. Девојчето, кое претходно било пријавено за исчезнато, се вратило дома следното утро, соопшти Министерството за внатрешни работи.

To top