Македонија

Губеле и по 20 илјади евра, лична исповед за измамата од која настрадаа илјадници Македонци

Избрзале од неколкуте „бесплатни“ кафиња и ИЗРЕНТАНА ЈАХТА ВО МОНАКО

Во лична исповед инфлуенсерот познат како Боемот 2.0 раскажува за измамата од која настрадаа илјадници Македонци.

Некои од наивните македонски граѓани во надеж дека брзо и лесно ќе се збогатат губеле и по 20 илјади евра.

Целата исповед на Боемот 2.0:

MyWorld пропадна, пред пропаѓање и Лајконет – еве ја мојата лична приказна

 

Имав 18 години кога седев на игралиште пред зграда, а постарите „батковци“ ме убедуваа дека ако вложам 450 евра во Лајонес, за 5 години ќе возам Ферари. Низ годините станаа досадни, едвај чекаа да најдат нова жртва и да зборат дека треба да го препознаеме „бизнисот на иднината“. Ферарито никогаш не го купија, но и да се случеше тоа немаше кој да им се качи во него бидејќи беа КРЛЕЖИ.

 

Поминаа не 5, туку 7 години. Лајонес се прекрсти во Лајконет, како дел од MyWorld. MyWorld пропадна, а Лајконет пред колапс. На 18 години можеби бев наивен, но не и глуп. Знаев дека „минимална нарачка“ од 100 евра месечно не е ништо друго освен членарина. Знаев дека главниот приход не е од продажба, туку од регрутирање, а тоа е НЕФУНКЦИОНАЛНО на долг рок.

 

„Шопинг поените“ и „cloud пакетите“ беа како празни школки на брег – убаво личат, а внатре нема ништо. Бизнисите се повлекоа, клиентите изгубија доверба, а ветената „финансиска слобода“ се претвори во кредити кои ќе се враќаат со години. Само малкумина на врвот заработија, додека илјадници изгубија илјадници евра. Од Македонија, според неофицијални информации, биле изнесени 50 МИЛИОНИ ЕВРА!?

 

За имиња не би сакал да коментирам, тоа нека биде работа на Обвинителството. Некои го обвинуваат Зоран Витанов, но веројатно извесен Радован Витошевиќ од Скопје е повиновен од Витанов. Не го амнестирам ни него од одговорност бидејќи ВЕТУВАШЕ БРДА И ДОЛИНИ, а не излезе ништо.

 

Мене ми е жал за ЧЕСНИТЕ ЛУЃЕ кои со избрзани одлуки изгубија пари. Познавам личен пример кој изгоре 20.000 евра. Избрзаа од неколкуте „бесплатни“ кафиња и ИЗРЕНТАНАТА ЈАХТА ВО МОНАКО.

 

НА ТЕМАВА МОЖАМ ДА ЗБОРУВАМ БИДЕЈЌИ И ЈАС РАБОТАМ МУЛТИ ЛЕВЕЛ МАРКЕТИНГ, НО РЕАЛЕН. Мулти-левел маркетинг со вистински производ – алое вера. Компанија што 47 години опстојува, со физички производ и, најважно, без месечна членарина. Тоа е разликата меѓу реален бизнис и илузија.

 

Еден народ што повеќе се лаже со „брза заработка“, толку повеќе е финансиски неписмен. Брза заработка не постои. Памет во глава – ниту Лајонес, ниту Конти, ниту Кабошон не може да ве крене од калта, туку само напорна работа!

 

Боемот 2.0

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top