Десет дена откако ги доби своите свети крстови, од црквата во изградба „Св. Константин и Елена“ во центарот на Скопје денеска се слушнаа и камбаните, овековечено во видеото на денот.
За потребите на црквата што почна да се гради пред 13 години биле изработени 12 камбани во фабриката „Грасмаер“ во Инсбрук, од кои најголемата е со тежина од 8,3 тони, а втората и третата тежат 3,5 и 2,3 тони. Пластичната декорација и иконите на камбаните се дело на Дарко и Елена Дуковски.
На најголемата камбана стои натписот: „Во слава на пресветата и единосушна тројца, отецот и синот и светиот дух и во чест на светите рамноапостолни цар Константин и царица Елена, се излеа ова ѕвоно во летото на Христа 2014“.
На второто по големина ѕвоно стои натписот: „Боже чувај ја татковината наша света македонска и нашиот благоверен народ“.