Македонија

Активно се работи на проширување на коловозот во струшко

Овој патен правец е важна транспортна артерија за локалното население и е клучен за економскиот развој, снабдувањето и туризмот во регионот

2 минути за читање

Работиме активно на прошируваме на коловозот, а со тоа и на зголемување на безбедноста од населеното место Долно Татеши до Мислодежда, дел од патниот правец Р2234 во струшкиот регион. Овој патен правец е важна транспортна артерија за локалното население и е клучен за економскиот развој, снабдувањето и туризмот во регионот, објави директорот на Јавното претпријатие за државни патишта, Коце Трајановски.

„Имено, со цел да се зголеми безбедноста во сообраќајот и да се подобри квалитетот на патната инфраструктура за жителите на општина Струга и околните населени места, Јавното претпријатие за државни патишта (ЈПДП) во рамките на програмата за одржување и заштита на државните патишта издвојува 20 милиони денари за санација на регионалниот пат Р2243.

Средствата се наменети за санација на делницата што се протега од селото Долно Татеши до Мислодежда, во должина од 3.500 метри. Проектот опфаќа градежни активности кои ќе овозможат зголемување на безбедноста и комфорот при сообраќајот, потенцира во објавата.

Трајановски додаде дека изведбата, за која е задолжено ЈП „Македонијапат“, предвидува проширување на коловозот од сегашните 3,8 метри на 5 метри, што ќе овозможи полесно и побезбедно движење на возилата. Работите вклучуваат ископ на 3.000 кубни метри земјан материјал, поставување на 900 кубни метри тампон за стабилизација на подлогата и вградување на 1.200 тони асфалт.

Реализацијата на овој проект се очекува да донесе значајни придобивки за локалната заедница. Подобрената патна инфраструктура ќе ја олесни комуникацијата со останатите региони, ќе овозможи побрз пристап до услуги и пазари, ќе поттикне развој на туризмот и ќе придонесе за подобрување на стандардот на живот на жителите, нотира Коце Трајановски во објавата на фејсбук.

Поврзани теми:

коловоз|избор|пат|Коце Трајановски

Повеќе на оваа тема:

Најнови вести од: Македонија

Илјадници Албанци во Приштина, заради поддршка на припадниците на УЧК, меѓу нив и лидерот на ДУИ Али Ахмети со извик: „Да живее УЧК!“

Во центарот на Приштина се одржа „Марш за слобода“, собир за поддршка на поранешните водачи на ОВК на кои им се суди во Специјалниот суд во Хаг за воени злосторства извршени на Косово и Метохија во текот на 1998 и 1999 година, пишува rts.rs. На својот фејсбук профил лидерот на ДУИ Али Ахмети, кој присуствуваше на овој марш и митинг, објави: „Денес, во Приштина марширавме за слобода и во поддршка на Ослободителите. Албанскиот народ ги прогласи како невини Хашим Тачи, Кадри Весели, Јакуп Красниќи и Реџеп Селими. Да живее УЧК!“

„Н.М“: Фашизам е обидот на Костадинов и „Преродба“ да го прогласат македонскиот јазик како бугарски!

Лидерот на бугарската радикална десница Преродба, Костадин Костадинов, во бугарското Народно собрание официјално поднесе иницијатива со која бара македонскиот јазик со законски и институционален акт да биде третиран единствено како „бугарски дијалект“. (!?) Ова не е инцидентен настап на Костадинов, туку континуирана платформа на неговата партија Преродба, која преку негирање на македонскиот национален супстрат демонстрира класични фашизоидни елементи, собирајќи евтини политички поени на домашната сцена. Ова се нагласува во политичката анализа со наслов „Анатомија на една фашизоидна провокација“, која ја објави денес весникот „Нова Македонија“. 

За Лант е „глупаво прогласувањето на македонскиот како бугарски јазик“ – дали Костадинов го стори тоа како кандидат за претседател на Бугарија?!

„Бугарските научници, кои тврдат дека концептот на македонски јазик бил непознат пред Втората светска војна, или кои продолжуваат да тврдат дека македонскиот јазик не постои, изгледаат не само нечесно, туку и смешно и глупаво! Грчките  научници, кои изнесуваат слични тврдења, покажуваат арогантно незнаење за своите словенски соседи!“ – има констатирано авторот на „Граматиката на македонскиот книжевен јазик“ американскиот славист Хорас Лант во своја научна статија во 1984 година реагирајќи на постојаните негирање на постоењето и самобитноста на македонскиот јазик. Лант е роден на денешен ден, на 12 септември 1918, а починал на 11 август 2010 година. Денешното навршување на 108-та годишнина од раѓањето на овој светски признат лингвист е повод да се осврнеме од гледна точка на неговите македонистички истражувања на политичкиот театар, кој го приреди вчера во бугарскиот парламент Костадин Костадинов, лидерот на бугарската ултрадесничарска и националистичка партија „Преродба“. Како пратеник Костадинов поднесе иницијатива македонскиот јазик да биде прогласен и да биде третиран како бугарски јазик. Кажаното од Лант важи денес во иста и целосна мера и за Костадинов: нечесна е и смешна и глупава оваа негова иницијатива за јазикот, кој сиот научен свет го познава и го признава како македонски јазик – идентитетски столб на македонскиот народ.

Битола ја одбележа 84-тата година од смртта на народниот херој Стив Наумов, заедно со народниот херој Мите Богоевски загинати во борба со бугарската полиција

По повод годишнината од смртта на Народниот херој Стив Наумов, делегации од Битола денеска положија цвеќе и се поклонија пред неговиот споменик на Широк Сокак.

Македонското друштво “Илинден“-Тирана најостро ги осудува обидите на Софија за злоупотреба на здравјето на Македонците во Пустец, за да ги бугаризира!

„На 11 септември 2026 бугарски лекари вршеле прегледи во државна амбуланта во Пустец. Бугарската држава со години врши невиден притисок врз Македонците во Република Албанија. На Македонците низ цела Република Албанија им е јасно дека акцијата за бесплатни прегледи треба да биде дополнителна мамка за населението во областа Преспа за негово изјаснување како Бугари.“ – реагира во најостра форма Македонското друштво “Илинден“-Тирана .

Мицкоски: Граѓаните сѐ уште ги плаќаат сметките од бандитските, криминални и ненационални политики на владите на Заев и Ковачевски!

Сметките од работењата на претходните влади на Зоран Заев и Димитар Ковачевски и како тие се справуваа со кризата денес ги плаќаат граѓаните, и не дај Боже некогаш повеќе на Македонија да ѝ се повторат такви влади, изјави премиерот Христијан Мицкоски.
Сите вести од Македонија

Најнови вести

To top