Македонија

Квалитетот на воздухот во Трубарево во рамки на дозволените граници

Досегашните резултати од мерењата покажуваат дека сите просечни вредности за масена концентрација на честичките PM₁₀ се движат во рамките на законски дозволените граници и досега не е регистрирано надминување на утврдените прагови, соопшти Министерството за животна средина и просторно планирање.

2 минути за читање

Министерството за животна средина и просторно планирање, преку податоците добиени од автоматските мерни станици на Универзитетот „Гоце Делчев“ – Штип, ја информира јавноста за состојбата со квалитетот на амбиентниот воздух во населбата Трубарево.

Според добиените мерења за суспендираните честички со големина до 10 микрометри (PM₁₀):

  • просечната дневна концентрација во текот на вчерашниот ден изнесувала 19.7 µg/m³,
  • максималната измерена вредност достигнала 39 µg/m³,
  • моменталната концентрација изнесува 7.5 µg/m³.

Досегашните резултати од мерењата покажуваат дека сите просечни вредности за масена концентрација на PM₁₀ се движат во рамките на законски дозволените граници и досега не е регистрирано надминување на утврдените прагови.

Министерството останува посветено на транспарентно информирање на јавноста и редовно следење на состојбата со квалитетот на воздухот, со цел заштита на животната средина и здравјето на граѓаните.

Увид на лице место по пожарот во објектот на Ф-групацијата за третирање на опасен отпад во Трубарево извршија обвинителството и МВР. Со заштитна опрема, надлежниот обвинител во друштво со експерти и екипи на МВР беа на локацијата, а се снимаше и фотографираше со дронови. Увидот треба да даде одговор за причините за пожарот и колку и каков отпад имало складирано на локацијата.

  • „Со оглед на затрупувањето на локацијата од безбедносни причини, увидните дејствија на терен се отежнати. По наредба на јавен обвинител, локацијата ќе остане обезбедена и во наредниот период за потребите на постапката. Таму ќе продолжат да се вршат дополнителни мерења на загадувањето од Министерството за животна средина, а на терен ќе излезе и вешто лице од областа на екологијата“, соопшти обвинителството. 

Поврзани теми:

ОЈО|Трубарево|воздух|почва|увид|мерења|топ

Повеќе на оваа тема:

Најнови вести од: Македонија

Опозицијата шири лаги за пожарите мислејќи дека ќе освои политички поени, вели премиерот

Опозицијата го прави ова затоа што мисли дека на овој начин, со таа стратегија, ќе добие политички поени и ќе добие поддршка од граѓаните. Дури и ако сè што коментираат е вистина, а ништо не е вистина, тогаш се поставува прашањето што прават за да помогнат во процесот, рече Мицкоски.

Македонската метропола како голема депонија – Скопје се „дави“ во ѓубре, граѓаните бесни

Вработените во повеќе јавни комунални и водоснабдителни претпријатија се соочуваат со ниски плати и нивна нередовна исплата, неисплаќање на регрес за годишен одмор, немањето на работна и заштитна опрема, истакна претседателот на СУТКОЗ Стојанче Кашиковски.

Предизборна провокација на Дехари кон Македонците: Нека се вее албанското знаме над Кичево, да се обединат и да се мобилизираат Албанците!

Дали се уште постојниот градоначалник на Кичево и кандидат на ДУИ за четврти таков мандат Фатмир Дехари смета дека овој град и општина се некаква „етничка сопственост“ на Албанците и на неговата партија? Бидејќи, организацискиот секретар на ДУИ и поранешен вицепремиер Артан Груби, сега веќе бегалец од правдата, на предизборен митинг на ДУИ во Кичево спроти локалните избори во 2021 година ќе каже: „Кичево е воен плен од 2001 година и Македонец не смее да биде градоначалник на Кичево!“

Уставниот суд не поведе постапка против правилникот на ДИК – кандидатурите за градоначалници со само 2 потписа се уставни и законски

Поднесители на иницијативата до Уставниот суд против правилникот на Државната изборна комисија се Здружението „Светски македонски конгрес“ од Скопје, застапувано од претседателот Тодор Петров, и Стевче Стојанов.

Првото училиште во Подвис беше упориште на македонскиот идентитет! Ако не се подобри наставата по мајчин јазик, ќе се разниша и македонската свест кај децата!

„Ако продолжи да тоне наставата по македонски јазик, последиците ќе бидат несогледливи: изгубено чувство за јазик, осиромашена култура на изразување, разнишана свест за македонскиот идентитет и сосема загубен интерес кај новите македонски поколенија за изучување и проучување на мајчиниот македонски јазик!“ – предупредува проф.д-р Елка Јачева-Улчар од Институтот за македонски јазик „Крсте Мисирков“.
Сите вести од Македонија

Најнови вести

To top