„Благодарение на овој контролиран извоз, ќе продолжиме да произведуваме дронови за бојното поле“, рече Зеленски во синоќешната видео порака. Домашното производство на одредено оружје веќе ја надмина побарувачката, рече тој.
„Еден пример се поморските дронови, на кои светот смета и од кои имаме премногу, како и противтенковско оружје и некои други видови“, истакна Зеленски.
Сепак, приоритет ќе продолжи да биде испорака на оружје на фронтовските линии и надополнување на арсеналот на Украина.
Концепт за извоз ќе биде развиен во текот на следните две недели, при што ќе биде даден приоритет на извозот и соработката со Соединетите Држави.
Потоа ќе следат испораки до европските партнери, а потоа и други земји заинтересирани за украинско оружје кои досега го поддржуваа Киев.
„Украина нема да го дистрибуира своето оружје како „милостина“ на оние на кои не им е гајле за Украина“, рече Зеленски.