Македонија

Филипче: Во време на СДСМ имавме кризи, но ги надминавме

Исповед на лидерот за тешките седум години власт на СДСМ

1 минута за читање

 

Лидерот на Социјалдемократскиот сојуз на Македонија, Венко Филипче, вели дека за разлика од ВМРО-ДПМНЕ, која во услови и кога нема криза не презема никакви мерки за заштита на животниот стандард на граѓаните, СДСМ за седум години покажа што значи вистинска грижа за секој граѓанин и за приватниот сектор.

„СДСМ имаше седум години власт во кои речиси секоја година имаше криза. Имаше Ковид криза, имаше енергетска криза, економска криза. И во сите кризи покажавме со конкретни акции, со конкретни чекори како се заштитени граѓаните. Платите се зголемија дури и во вакви кризи“, рече Филипче.

Тој потсети дека СДСМ ги заштити граѓаните со девет антикризни пакети, им помогна на компаниите да бидат ликвидни.

„Имавме девет антикризни пакети во вредност од 2,6 милијарди евра. Зачувани се 80.000 работни места во 20.000 компании. Над 660.000 семејства беа заштитени со поддршка за плаќање на сметките за струја. Тие семејства не го почувствуваа ценовниот шок“, рече Филипче.

Филипче додаде дека со власта на СДСМ, за прв пат, минималната плата е зголемена три пати, а паралелно се зголеми и просечната плата.

Поврзани теми:

власт|кризи|7 години|актуелно|Филипче|СДСМ

Повеќе на оваа тема:

Најнови вести од: Македонија

Во Куманово одбележана 82-годишнината од убиството на народниот херој Христијан Тодоровски – Карпош од страна на бугарскиот фашистички окупатор

Во спомен куќата на Христијан Тодоровски- Карпош во Куманово беше одбележан денот на неговото загинување – 7 февруари. По тој повод свежо свеќе положија членови на Сојузот на борците Куманово, Здружението на армиски и полициски ветерани, припадници на АРМ, установи, институции, политички субјекти. Христијан Тодоровски- Карпош загинал на 7 февруари 1944 во борбите против бугарскиот фашистички окупатор при нападот на военото и полициско упориште во селото Биљача, Прешево, објави информативниот портал „Куманово њуз“.

Ноќеска во Солун маскирани лица се судриja со полицијата, се користеa „молотови коктели“, шок-бомби и солзавец, приведени 309 лица!

Сериозни инциденти се случија во текот на ноќта пред Политехничкиот факултет на Универзитетот „Аристотел“ во Солун меѓу маскирани лица и полицијата, при што приведени се 309 лица, повреден е еден полицаец, а предизвикана е материјална штета на паркирани автомобили, јави МИА од Атина.

„Политико“: Норвешкиот експремиер Јагланд под истрага за корупција и врски со Епштајн – Во 2012 се интересирал за „необичните млади девојки од Албанија“!

Поранешниот норвешки премиер Торбјорн Јагланд се соочува со полициска истрага поради наводна корупција во врска со неговиот контакт со осудениот сексуален престапник Џефри Епштајн, додека бил претседател на Нобеловиот комитет и шеф на Советот на Европа! Името на Јагланд повторно се појави во најновиот бран документи од фајловите на Епштајн, објавени минатата недела. Во еден е-мејл од 2012 година Јагланд го информира Епштајн за „необични млади девојки“ во Албанија, додека во друг од 2013 година, тој вели „видовме слики од вашиот остров и би ни било драго да го посетиме“. Јагланд изјави за норвешкиот весник VG дека никогаш не бил на островот Епштајн. Ова го објави денес аналитичкиот портал „Политико“ од Брисел во својата статија со наслов „Поранешниот норвешки премиер под истрага за корупција поради досиејата на Епштајн“.

Ѓорѓиевски: Скопје добива нов лик, работиме засилено на точки, кои со години беа закочени, а дел од нив останаа само лажно ветување!

„Скопјани заслужуваат град со визија, ред и достоинство. Изминатава седмица работиме со засилено темпо на точки, кои со години беа закочени, а дел од нив останаа само лажно ветување. Денес, тие напредуваат.“ – објави на својот фејсбук-профил градоначалникот на Скопје Орце Ѓорѓиовски.
Сите вести од Македонија

Најнови вести

To top