Македонија

Денес во 12 часот во Европскиот парламент ќе се гласа за двете иницијативи за недоверба на Лаен и ЕК – се проценува дека нема да успеат

Од исходот на денешното гласање во Европскиот парламент ќе зависи дали Урсула фон дер Лаен ќе дојде во работна посета во Република Македонија на 15 октомври во рамки на нејзината турнеја низ земјите од Западниот Балкан.

Членовите на Европскиот парламент денеска на пленарна седница во Стразбур во одвоени гласања ќе се изјаснат по двете инцијативи за изгласување недоверба на Европската комисија на Урсула фон дер Лаен. Гласањето следи откако во понеделникот европратениците одржаа расправа околу иницијативите за недоверба, предложени од десничарската група Патриоти за Европа (ПФЕ) и од групата Левица. Најавено е дека гласањето ќе започне во 12 часот.

Образложувајќи ја иницијативата на својата група, претседателот на Патриоти за Европа Жордан Бардела порача дека гласањето против Европската комисија нема да ја уништи Европа, туку ќе ја спаси. „Тоа е глас против Европа на Макрон, против Европа на Лаен. Пред се, тоа е глас за опстанок на Европа на слободните нации.“ – рече Бардела. Тој оцени дека под водство на Урула фон дер Лаен Европската Унија се движи брзоплето и безглаво, без да знае кај оди, а дополнително Еврокомисијата продолжува со политиката на „смешното проширување на ЕУ“.

Бардела обвини и дека Еврокомисијата со нејзините илјадници нови законски акти ја направила ЕУ „светски шампион во бирократијата“. Сопретседателката на Левица Манон Обри, образложувајќи ја иницијативата на нејзината група, истакна дека Лаен мора да замине од функцијата, затоа што „капитулирала“ пред американскиот претседател Доналд Трамп и ја довела Унијата во вазална позиција, правејќи економски отстапки во корист на САД.

Одговарајќи на наводите изнесени во образложенијата на иницијативите, Урсула фон де Лаен обвини дека противниците на ЕУ се трудат да поттикнат поделби и да ги искористат тие поделби против Унијата. Според неа, рускиот претседател Владимир Путин не ја крие својата радост и поддршка за она, што за него го работат „сите негови послушни пријатели во Европа“.

„Тоа е најстариот трик: предизвикување поделби, ширење дезинформации, правење жртвено јагне. Сето тоа, за да ги сврти Европејците едни против други, со цел да го спуштиме нашиот гард додека се бориме едни против други. Да ја ослабнеме нашата решителност и нашата отпорност. Тоа е стапица, но ние не можеме да упаднеме во неа“ – нагласи Лаен. Таа истакна дека во време на максимална неизвесност и експлозивна нестабилност на ЕУ ѝ е потребно единство, за да ја зајакне својата безбедност, да ја заштити демократијата, да ја поддржи индустријата и да го зацврсти својот општествен модел.

За да бидат прифатени, иницијативите треба да добијат поддршка од најмалку две третини од пратениците, што ќе учествуваат во гласањето. „За“ иницијативата треба да гласаат најмалку 360 европратеници. Ова е второ гласање за недоверба на Еврокомисијата за помалку од три месеци, откако во јули европратениците ја отфрлија сличната иницијатива на романскиот десничарски европратеник Георге Пипереа. „За“ предлогот на Пипереа во јули се изјаснија 175 европратеници, 360 гласаа „против“, а 177 беа „воздржани“. Но проценките се дека ќе биде значително поголем сега бројот на членовите на Европскиот парламент, кои ќе се изјаснат за недоверба на Еврокомисијата. Се проценува дека во идеално сценарио некоја од иницијативите за недоверба би можела да добие поддршка од најмногу 305 пратеници, што сепак не би било доволно за нејзино усвојување.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top