Македонија

„Тетова сот“: Вечерва во центарот на Тетово меѓу згради е пронајдено беживотното тело на Д.С. (24) студентка од Ѓаковица, Косово

„Граѓани, кои се претставуваат дека се сведоци, тврдат дека, наводно, девојката се фрлила од зграда. За ова засега нема потврда. Според други, исто така, неофицијални информации од жители од овој реон на Тетово, девојката веќе имала неколку претходни обиди за самоубиство и била во контакт со едно лице, за кое полицијата спроведува истраги преку следење телефонски податоци. Станари, кои живеат во околните згради во Тетово, изјавиле дека вечерва слушнале вознемирувачки звуци, но никој не можел да претпостави што се случува навистина.“ – објавија „Тетова сот“ и други медиуми.

1 минута за читање

„Вечерва околу 18 часот и 30 минути во Тетово е пронајдено беживотното тело на 24-годишната Д.С. од Ѓаковица, од Косово, меѓу зградите кај Центарот за социјални работи, спроти Зелениот пазар, во центарот на градот. Неофицијално таа студирала во Тетово. Според првичните информации, телото без знаци на живот го открил случаен минувач.“ – објави информативниот портал на албански јазик „Тетова сот“.

Порталот натаму пишува: Сознанијата за идентитетот на починатата девојка се добиени од жители на Тетово. Веднаш по пријавата на за откривањето на беживотното тело на местото на настанот пристигнале полициски екипи и претставници на Јавното обвинителство, кои спроведуваат истраги за разјаснување на причините и околностите на смртта. Телото на починатата е испратено на обдукција. Надлежните органи сѐ уште немаат објавено дополнителни детали во врска со целосниот идентитет на девојката, ниту за можните причини за нејзината смрт. Тетовската полиција најави дека ќе бидат објавени подетални информации по завршувањето на првичните истраги. 


Поврзани теми:

избор|полиција|тетово|почината студентка од Косово

Повеќе на оваа тема:

Најнови вести од: Македонија

Муцунски: Не е само прашањето на уставни измени, туку и кои се гаранциите што ќе ги добие државата за предвидливоста на нејзиниот пат напред

„Добро е опозицијата да се обедини со Владата и со сите засегнати страни во државата, за да создадеме консензус околу прашањата на евроинтеграциите.“ – став на министерот за надворешни работи Тимчо Муцунски.

Хоџа: Највиновен за слабите резултати на НАИ на изборите е Ахмети, им веруваше на погрешни луѓе

Посочувањето од Аријанит Хоџа дека лидерот на ДУИ Али Ахмети сноси најголема вина поради слабите резултати на нивната коалиција Национална алијанса за интеграција (НАИ) на локалните избори означува дека и внатре во оваа коалиција на ниво на партии започнува „расчистувањето на сметките“ за изборниот дебакл: Европската демократска партија, чиј лидер е Аријанит Хоџа, која е дел од НАИ, веќе го вперува прстот кон Али Ахмети…

ВМРО ДПМНЕ: Филипче продолжува со бугарското сценарио за Македонија! Со Заев прифатија штетен договор и затоа сме сега под уцена и притисок!

„Наша цел е членство во ЕУ. Ќе бидеме подготвени за тоа кога ЕУ ќе биде подготвена да нѐ прими. Во однос на Бугарите имаме јасен и принципиелен став, иако ни носи проблеми и недоразбирања: подготвени сме да разговараме за непречен евроинтегративен процес на нашата земја без несвојствени и непринципиелни барања.“ – нагласува владејачката македонска партија во своето соопштение.

Тага и бес во Босна – 12 загинати по пожарот во дом за стари лица во Тузла

На прозорецот имаше човек кому луѓе од улицата му дофрлаа да се засолни. Тој беше на прозорецот долго време. Чадот почна сè повеќе да ја исполнува неговата соба. Како беспомошно да нè гледаше. По неколку моменти, веќе го немаше. Ова е еден од морничавите моменти за кои сведочи фотографот Фарук Бегташагиќ, што го забележал додека го снимал пожарот на врвот од зградата во Домот за пензионери во Тузла што избувна.

Јавен повик до општините за изработка на официјални веб-страници

Јавниот повик е во насока на унапредување на дигиталната инфраструктура и зголемување на транспарентноста и пристапноста на локалните самоуправи. Право на пријавување имаат сите општини и институции од јавниот сектор, без разлика на нивната големина, број на жители или моменталниот статус на нивната веб страница.

Филипче: СДСМ е единствена партија која може да и парира и да се соочи со ВМРО-ДПМНЕ

Претседателот на СДСМ, Венко Филипче, најави создавање на многу поширок, посилен и поорганизиран опозициски фронт во наредните месеци, со вклучување не само на политички чинители, туку и на граѓански организации.
Сите вести од Македонија

Најнови вести

To top