Македонија

Маск до Лаен: Вие како лидер на ЕУ треба да бидете избрани директно од народот, а не од некој комитет!

„Милијардерот и технолошки моќник Илон Маск упати критики кон европската демократија и претседателката на Европската комисија Урсула фон дер Лаен.“ – објави eвропското издание на американската новинска организација „Политико“, кое известува за политичките прашања на Европската Унија.

Во статијата со наслов „Маск до Урсула фон дер Лаен: Лидерот на ЕУ треба да биде избран од народот“, „Политико.ЕУ“ пишува: „Ако демократијата е основа на слободата, тогаш сигурно вие треба да бидете избрани директно од народот на позицијата лидер на ЕУ?“ – ја праша Маск Лаен во објавата на општествената платформа икс, која е негова сопственост.

Во друга објава, Маск, шефот на „Тесла“ и „Спејс Икс“, додаде дека „лидерот на ЕУ“ треба да биде „избран од народот“ на блокот, а „не да биде назначен од комитет“. Маск реагираше на откривањето на Европскиот штит за демократија од страна на фон дер Лаен, нова стратегија за засилена борба против странското мешање на интернет, вклучително и во изборите.

„Демократијата е основа на нашата слобода. Демократијата е основа на нашиот просперитет. Демократијата е основа на нашата безбедност“ – порача фон дер Лаен преку општествените медиуми. Лаен, инаку по потекло германска политичарка, ја претстави идејата за „Штитот за демократија“ во предизборниот говор на Самитот за демократија во Копенхаген минатата година додека се обидуваше да добие уште еден мандат како претседател на Комисијата пред европските избори во 2024 година. Централниот дел од стратегијата „Штит за демократија“ е Европскиот центар за демократска отпорност, кој се потпира на експертиза од сегашните членки и земјите, кои се стремат кон членство во, ЕУ за борба против дезинформациите.

Претседателот на Комисијата – шеф на извршната власт на ЕУ, иако не е дословно „лидер на ЕУ“ – е предложен и изгласан за петгодишен мандат од Европскиот совет, кој ги опфаќа 27-те шефови на држави и влади на ЕУ. Предложениот кандидат мора да добие глас меѓу членовите на Европскиот парламент. Откако ја доби потребната поддршка минатата година, фон дер Лаен преживеа три предлози за недоверба од страна на фракциите во Парламентот во јули и октомври оваа година.

Маск, кој одигра кратка, но истакната улога претходно оваа година како советник на американскиот претседател Доналд Трамп, откако енергично го поддржуваше во текот на изборната кампања во 2024 година, честопати ја користеше својата платформа за да ги засили контроверзните ставови за демократијата, слободата на говорот и политичкото лидерство низ целиот свет. – објави „Политико.ЕУ“.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top