Популарниот српски турбо-фолк пејач Аца Лукас синоќа настапуваше во кавадаречки локал, каде атмосферата на почетокот беше на вистинско ниво на еуфорија. Сепак, енергијата драматично се прекинува околу полноќ: Лукас нагло прекинува песна, а полициски службеници влегуваат во просторијата. Според очевидци, пејачот негодува, се расправа со полицајците и на крајот ги следи надвор од локалот.
„Атмосферата беше супер, се додека Лукас не прекина среде песна. Не сфативме веднаш што се случува, потоа забележавме дека дојдоа полициски службеници, а тој нешто негодуваше, се расправаше и замина со нив. Чекавме некое време да се врати, а по околу половина час некој на микрофон кажа дека Аца е однесен во полициската станица“, раскажуваат млади гости на настанот.
На социјалните мрежи веќе кружи видео-снимка што го фаќа моментот: Лукас, опкружен со полиција, се обидува да објасни нешто додека заминува, оставајќи зад себе збунебата публика. Официјални детали за инцидентот сè уште се очекуваат од надлежните институции во текот на денот.
Инаку, Лукас останува еден од најбараните изведувачи во регионот. Веќе е најавен негов голем концерт во Скопје, во Арена „Јане Сандански“ на 20 декември, каде ветува незаборавна „кафанска ноќ“ со хитовите што го одбележаа неговата кариера.
@hypetvportal.rsFANOVI ACE LUKASA ISPRED POLICIJSKE STANICE! Besni zbog hapšenja NAJVEĆE BALKANSKE ZVEZDE!