Македонија

Аца Лукас му е лут на Александар Вучиќ што не го брани за инцидентот во Кавадарци

Според музичарите кои ја пренесуваат информацијата песната која го илустрира разочарувањето на Лукас од српскиот претседател е ,,Издали ме пријатељи, издао ме брат”

Српскиот пејач Аца Лукас му е лут на српскиот претседател Александар Вучиќ што не реагирал на однесувањето на македонските власти кои го казниле со 50 евра за кршење на законот за странци додека настапувал во кафана во Кавадарци.

Извори од тимот на Лукас пренесле до македонски колеги музичари дека Лукас бил разочаран што неговиот пријател, како што го нарекувал српскиот претседател, не презел ништо со цел српските институции да го заштити од прогонот на македонските инспекции.

Изворите тврдат дека уште вечерта Лукас очекувал да има реакција од српските власти затоа што тој сметал дека неговото пријателство со Вучиќ може да му помогне.

Лукас очекувал како што тој му помагал на Вучиќ за време на протестите на српските студенти и опозиција така и претседателот на Србија да му помогне за прекршочната пријава што ја добил од македонската инспекција.

Во српската јавност е познато дека Лукас и Вучиќ се блиски пријатели и другаруваат повеќе од 15 години уште кога Вучиќ не беше на власт.

Вучиќ во месец Мај пред големиот протест на српската опозиција објави средба со Лукас и порача дека  посебно го цени затоа секогаш стои зад своите ставови кои никој не можел да му ги смени.

 

Претседателот на Србија, Александар Вучиќ, во Мај на својот TikTok профил објави видео Аца Лукас, непосредно пред почетокот на сенационалниот собир во Ниш.

 

Во видеото, претседателот откри детали од неговото долгогодишно познанство со познатиот пејач, истакнувајќи колку Лукас е интелигентна личност и колку добро се разбира во спортот. Вучиќ додава дека посебно го цени тоа што Аца секогаш стоел зад своите ставови и никогаш не подлегнал на притисоци:

 

“АЦА ЛУКАС ГО ЦЕНАМ НЕВЕРОЈАТНО МНОГУ”

 

,,Аца и јас се знаеме долго време, уште од периодот кога бев во опозиција. Тој секогаш беше пријател. Има нешто што луѓето не го знаат – тој не само што е неверојатно интелигентен, туку и неверојатно добро го познава спортот. Еднаш на стадион ги слушав неговите коментари кои беа и највесели и најпаметни. Посебно го ценам тоа што секогаш си стоел зад своите ставови и мислења, кои никој не можел да му ги смени под притисок. Затоа му благодарам што е денес со нас тука”,  изјави тогаш за Лукас претседателот Вучиќ.

Што се случи во Кавадарци!

 

„На 22 ноември во 00:10 часот, полициски службеници од ОВР Кавадарци го приведоа А.В. (57 год.) од Република Србија. При вршење на акциска контрола во угостителски објекти на подрачје на Кавадарци, од страна на полициски службеници од ОВР Кавадарци, Одделение за криминалистички работи при СВР Велес, инспектор за странци од Регионален центар за гранични работи Југ, било констатирано дека во угостителски објект во Кавадарци А.В. настапувал без потребната дозвола“, објави МВР.

 

Против Лукас била поднесена прекршочна пријава по член 217 став 1 точка 2 од Законот за странци. За турбофолкерот била поднесена прекршочна пријава во Основен суд Кавадарци. Од Основен суд Кавадарци соопштија дека на Аца Лукас му била изречена парична казна во висина од 50 евра.

 

При контрола во локалот каде што тој настапувал, освен полиција биле присутни и неколку инспекции: Државен пазарен инспекторат, Државен инспекторат за труд и Управа за јавни приходи, кои констатирале повеќе неправилности: неиздавање на сметки, пушење во затворен простор и поголем број лица од дозволениот.

 

„При контролата во угостителски објект каде бил настапот на гостинот, констатирани се прекршоци од страна на УЈП за неиздавање на фискална сметка, прекршок согласно Закон за пушење, а од страна на ДПИ е констатирано дека во објектот се присутни поголем број на гости од дозволениот број, за што ќе бидат поднесени соодветни поднесоци“.

 

По настанот Министерството за внатрешни работи најави дека во соработка со другите надлежни институции, ќе продолжи и во наредниот период со зајакнати акциски контроли на територијата на целата држава, со цел санкционирање на какви било кршење на законите.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top