Македонија

Државата ќе враќа 50 милиони евра – Што е со солидарниот данок?!

Иако Уставниот суд ѝ даде на државата рок од пет години да ги врати парите, стопанствениците ги побараа назад што е можно побргу, бидејќи како што рекоа, тие имаа рок од само неколку месеци да уплатат милионски износи. Од Министерството за финансии нема конкретен одговор дали се предвидени пари во предлог-буџетот за 2026 за враќање на солидарниот данок, туку само коментар дека во тек се доставувањата на одговори од компаниите за тоа дали е прифатлив предлогот за двократно раздолжување.

2 минути за читање

Државата уште чека повратни одговори од компаниите за тоа дали се согласуваат наплатениот солидарен данок, кој потоа како законско решение падна на Уставен суд, да им го врати на две рати – еднаш во март 2026 и еднаш во март 2027. Неофицијално, дознаваме дека „Макстил“, кому му се должи најмногу како на најголем уплатувач на овој вонреден кризен данок, се согласил да ги почека ратите затоа што има добри резултати во тековната година, но останува да се види какви ќе бидат реакциите на другите даночни обврзници кои сега се побарувачи, објави Фактор.

Уставниот суд во февруари донесе одлука за поништување на Законот за солидарен данок кој го воведе Владата на Димитар Ковечевски во 2023, кој веќе не важи. За неважечкиот закон кој служеше едноократно, државата сега ќе треба да врати околу 49,2 милиони евра на 156 компании, кои во еден наврат им ги наплати затоа што имале голем скок во добивките во текот на енергетската  и ковид кризата.

Иако Уставниот суд ѝ даде на државата рок од пет години да ги врати парите, стопанствениците ги побараа назад што е можно побргу, бидејќи како што рекоа, тие имаа рок од само неколку месеци да уплатат милионски износи. Од Министерството за финансии нема конкретен одговор дали се предвидени пари во предлог-буџетот за 2026 за враќање на солидарниот данок, туку само коментар дека во тек се доставувањата на одговори од компаниите за тоа дали е прифатлив предлогот за двократно раздолжување.
  • Министерството за финансии постапува по задолжение на Владата согласно одлуката донесена од страна на Уставниот суд од 5 февруари 2025 година. Согласно задолжението на Владата беше доставено писмо со предлог до компаниите, средствата да бидат исплатени на две рати, односно првата исплата да биде на март 2026 година, втората исплата да биде во март 2027 година без дополнителни побарувања од страна на даночните обврзници. Компаниите доставуваат одговори во кој се изјаснуваат за предлогот доставен од Министерството за финансии и согласно договореното ќе се превземат натамошни дејства за започнување на постапката за враќање на средствата. Во 2023 година врз основа на Законот за солидарен данок 156 компании уплатија во Буџетот околу 3 милијарди денари, ни рекооа од Министерството за финансии.

Законот за дополнително оданочување со солидарен данок падна на Уставен суд најмногу поради ретроактивноста со што се нарушуваше принципот на правна сигурност, и се сметаше дека удира врз конкурентноста на домашните компании.

Поврзани теми:

средства|ДДВ|поврат|граѓани|пари|данок|фирми|финансии

Повеќе на оваа тема:

Најнови вести од: Македонија

Интервју: Глупост е Самуил да се враќа во Бугарија, тој таму никогаш и не бил, вели професор Атанасовски

Професорот Александар Атанасовски, чија специјалност е средниот век, вклучително и времето на Византија и Самуиловото Царство, беше гостин во емисијата Радио Точка, во рамки на програмата Хоризонт на Бугарското национално радио БНТ. Централна тема – договорот меѓу Бугарија и Грција за пренесување на наводните коски на цар Самуил од Солун во Софија.

(Фото): Означен стартот на 22. издание на „Виз Ер Скопски маратон“, улиците преполни со учесници

Град Скопје е покровител на спортската манифестација, а градоначалникот вели дека градските служби се подготвени да ја обезбедат потребната поддршка за нејзино успешно одржување.

Пола Скопје ќе биде затворено за сообраќај – стартува 22. издание на „Виз Ер“ Скопскиот маратон

Од Министерството за внатрешни работи апелираат граѓаните да го избегнуваат движењето по овие сообраќајници во периодот од 06:00 до 14:00 часот и да ги почитуваат наредбите на полициските службеници на терен.

(Видео): Државата е енергетски стабилна, се очекува поевтинување на горивата, вели Мицкоски

Државата не е голем потрошувач на гас и постои план за справување со можните предизвици, велат од Владата. Премиерот кажа и дека разговарал со големите нафтени компании. Премиерот очекува и поевтинување на горивата веќе од следната недела.

Во пресрет на грејната сезона – парно, струја, дрва: Што најмногу го празни џебот?!

Најефикасното, но и најскапо современо решение е топлотна пумпа систем воздух-вода. Оваа инвестиција бара помеѓу 6.500 и 9.000 евра, иако потоа месечната потрошувачка на струја за целата куќа е приближна на трошокот за два инвертер уреди. За домаќинствата кои немаат буџет за вакви системи, поставувањето на три поквалитетни инвертер клими со инвестиција од околу 2.500 евра.

Секоја десетта цигара во ЕУ е нелегална, црниот пазар ја опфаќа и Македонија

Предизвик за европските институции не е само растот на нелегалното производство, туку и неусогласениот начин на кој земјите му се спротивставуваат. Националните системи за контрола и спроведување значително се разликуваат, кривичните дела и казните не се доволно хармонизирани, а и натаму постојат празнини во соработката и размената на информации меѓу надлежните институции.
Сите вести од Македонија

Најнови вести

To top