Според информациите на МАКСПОРТ, постојат сериозни шанси Алекс Душебаев повторно да го облече „црвено-црниот“ дрес и да се врати да биде дел од Вардар. Интерес за соработка постои од двете страни, а преговорите се во напредна фаза.
Како што се наведува, практично договорот е веќе постигнат, при што Алекс Душебаев е задоволен од финансиската понуда на Вардар. Останува да се договорат уште неколку детали, по што трансферот би можел и официјално да биде потврден со потпис за двократниот европски првак.
Алекс Душебаев, роден на 17 декември 1992 година во Сантандер, е професионален шпански ракометар кој во минатото долго време настапуваше за Вардар од Скопје, а во моментов е член на Келце. Тој е и репрезентативец на Шпанија, а воедно е син на ракометната икона и актуелен ракометен стручњак Талант Душебаев.