Актерот Владо Јовановски реагира за кражбата на бистата на народната хероина Вера Јоциќ од парк во општината Центар во петокот претпладне со предлог за донесување закон за забрана за откуп на бронза.
„Во прилог на зачувување на меморијата, имам една идеја.
Да не се дозволува да се откупува бронза.
Да се донесе закон да не може да продадеш бронза.
Каде на друго место ја има, освен во бистите, статуите и во камбаните на црквите?
Зошто да ги стимулираме варварите да ги крадат, уништуваат и продаваат за старо железо, бришејќи ни ја историјата и меморијата.
А ако некој ги оштетува, ќе одговара за вандализам“, напиша Јовановски на Фејсбук.