Министерството за правда до владата доставило ново законско решение за граѓанските организации кои се активни во Македонија.
Основната цел на предложеното законско решение е понатамошно унапредување на правната рамка во која функционираат здруженијата, фондациите, сојузите и странските организации, во согласност со највисоките стандарди на Европската Унија и Советот на Европа, тврдат од Министерството за правда.
Клучни цели на законот се:
▪️ Уредување на државната поддршка за граѓанските организации
▪️ Зајакнување на нивната улога во процесите на донесување одлуки
▪️ Прецизно уредување на начелото на непрофитност
▪️ Поттикнување на самоодржливост и финансиска стабилност
▪️ Поголема отчетност, транспарентност и одговорност
▪️ Стандардизирани правила за финансиска поддршка
▪️ Законска основа за кофинансирање на ЕУ и меѓународни проекти
▪️ Донесување подзаконски акти за државно финансирање и учество во креирање политики
▪️ Нов пристап кон јавниот интерес по области на дејствување
▪️ Законско уредување на Советот за соработка меѓу Владата и граѓанското општество
Според најавата ова законско решение претставува важен чекор кон посилно, поодржливо и поактивно граѓанско општество.
Линк со повеќе информации: https://ener.gov.mk/Default.aspx?item=pub_regulation&subitem=view_reg_detail&itemid=73921