Уште неколку дена „пекол“ па следува „заладување“

И денеска времето денес во Македонија ќе биде сончево и со високи температури со слаб ветер од јужен правец.

Минималните температури ќе се движат од 10 до 20, додека максималните температури ќе се движат од 32 до 40 степени Целзиусови.

До вторник времето ќе биде многу топло со дневна температура која насекаде ќе биде над 30°C, а наместа ќе надминува 40°C.

Во недела во попладневните и вечерните часови ќе има услови за локална нестабилна облачност со пороен дожд и грмежи.

Во среда ќе дува засилен северен ветер, кој ќе предизвика опаѓање на дневната температура.