Македонија

Филипче: СДСМ со поддршка на протестот на ССМ за повисоки плати

Претседателот на Социјалдемократскиот сојуз на Македонија, д-р Венко Филипче, денеска изрази целосна поддршка за протестот на Сојузот на синдикати на Македонија и за барањата на работниците упатени до Владата.

СДСМ ќе го поддржи денешниот протест на ССМ и барањата кои работниците ги имаат до Владата, но организирана партиска поддршка нема да даде, изјави лидерот на СДСМ, Венко Филипче. Прашан дали вечерва ќе биде на протестот, кој го организира Сојузот на синдикатите на Македонија, Филипче одговори дека организирана партиска поддршка нема да дадат.

  • Добро, сигурно ќе излезат наши членови коишто се дел од синдикатот. Но, ние организирана партиска поддршка со цел да се поддржи во таа смисла протестот не даваме. Ниту сметаме дека треба да се даде. Треба да е тоа автентично излегување на улица, исто како што е автентично излегување на организацијата, за кое што немаме никаква улога – вели Филипче.

На прашањето дека сега како партија ги поддржуваат барањата на синдикатите, а кога бил на власт СДСМ не ги поддржувал и од каде сега оваа промена околу ставот за минималната плата, Филипче со одговор дека во времето на СДСМ платите растеле и тоа во време на најголемите кризи.

  • Сметам дека барањата се реални, дека се објективни, дека поголема плата е заслужена и вистински потребна за преживување на работничките семејства во државата. Јас жалам што завршија добрите пракси од минатото од времето на Владите на Социјадемокртаскиот сојуз на Македонија, кога во контиунитет растеа и минималната и просечната плата. Минималната се дуплираше, скоро се дуплираше просечната плата и тоа во време на најголеми кризи, кога светот немаше видено тогаш, Ковид, енергетската криза – вели Филипче и додаде дека дава максимална поддршка за денешниот протест.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top