Главната фаворитка за иден бугарски премиер Марија Филипова не разбирала политика, тврди самата на јавен настан на кој учествува како заменик-омбудсман на Бугарија.
Филипова во снименото видео вели дека не рабира политика и делови од кажаното кои се однесуваат на парламентарните работи.
Меѓу многуте оценки во бугарската јавност се издвојува Методи Лалов, адвокат и поранешен судија и претседател на Софискиот окружен суд кој јавно го искажува својот став за Филипова:
,,Марија Филипова е толку интелектуално ограничена што не само што не треба да биде официјален премиер, туку не може да продолжи да биде заменик-омбудсман и да држи која било позиција поддржана од граѓаните.
Таквите прости луѓе како неа треба да бидат поддржани и негувани од Борисов, Пеевски, Бошков-Черепа и сличните на нив во нивните приватни компании, а не од граѓаните што им ги плаќаат платите на јавни позиции.
Еве што брбореше Филипова во парламентарната комисија по нејзиниот избор за заменик-омбудсман:
„Се извинувам што не ја разбирам политиката. Не ги разбрав некои од вашите изјави и наводи за малцинството, мнозинството и така натаму. Ова се вашите парламентарни мандати со кои работите. Да, јас сум долгогодишен државен службеник, не сум работела во Народното собрание, не сум била пратеник – не ја разбирам политиката.“