Македонија

Скопје ќе биде модерен, чист, функционален и достоинствен град, рече градоначалникот

Скопскиот градоначалник, Орце Ѓорѓиевски, најави дека градот полека, но сигурно излегува од колапсот, хаосот и долговите создавани, како што рече, со години, со неодговорно владеење. Тој потенцираше дека тоа не е лесна задача, со тоа што му бил оставен Градот на работ од банкрот.

3 минути за читање

Градоначалникот на Скопје Орце Ѓорѓиевски на прес-конференција наменета за остварените успеси на Градот, започнатите инфраструктурни проекти, работата на претпријатијата, информираше дека Градот блокирал 17.694 сметки на физички и правни лица за неплатен данок на имот за 2021 година, кои заедно имаат вкупен износ од 1.3 милиони евра.

Првиот човек на Градот, Орце Ѓорѓиевски, спомена дека започнала обнова во јавните претпријатија каква што Скопје не памети: нови специјални возила за „Комунална хигиена“, „Паркови и зеленило“, ЈСП и за „Градски паркинг“, нови контејнери и систем за воведување ред во хигиената. Притоа се пофали дека, со работа, успеале за само два месеци да намалат повеќе од 40 милиони евра обврски на Градот и на јавните претпријатија, паралелно започнувајќи, како што нагласи, најмногу капитални проекти што ги видел овој град.

Тој рече дека за само два месеца намалиле повеќе од 40 милиони евра обврски на Градот и јавните претпријатија.

  • И паралелно започнавме најмногу капитални проекти што овој град ги видел. Кога ја преземав функцијата, на буџетската сметка имаше само 56 милиони денари, а истиот ден нè чекаа извршни решенија од 48 милиони денари. Реално, само осум милиони денари во касата на градот. Затекнавме долгови од речиси 300 милиони евра по основ на обврски, кредити и судски спорови. Но, наместо да кукaме, засукавме ракави. Го направивме првиот ребаланс на Буџетот за 2025 година, ја засиливме наплатата на приходите и воведовме дисциплина во секој сегмент.  Ја нормализиравме исплатата на платите во „Дрисла“, „Комунална хигиена“, „Паркови и зеленило“, „Лајка“, „Флораком“ и „Луна“, каде што се доцнеше по две плати, обврски од околу 450 милиони денари. Потоа го донесовме Буџетот за 2026 година во износ од 5,2 милијарди денари – зголемен за 12 проценти споредбено со 2025 година. Благодарение на сериозната наплата и штедењето, пренесовме вишок од 482,9 милиони денари – за првпат по долги години, Град Скопје има повеќе пари отколку обврски. И токму затоа можевме да тргнеме во најголемата инвестициска офанзива во историјата на градот. Во капиталните инвестиции вложивме 33,4 проценти повеќе од претходната година и веќе реализиравме 389,7 милиони денари. Јануари 2026 година стана најуспешниот јануари досега по приходи и реализација, рече градоначалникот.

Тоа што го постигнавме за толку кратко време, не е случајност. Ова е резултат на работа. На чесност. На одговорност. И ова не е само мој успех, ова е успех на сите скопјани кои веруваа дека можеме поинаку. Ова е доказ дека кога градот се води со љубов, а не со личен интерес, резултатите доаѓаат. Наследивме долгови, но, градиме иднина. Наследивме хаос, но, воспоставуваме ред. Наследивме разочараност, но, ја враќаме надежта. Пред нас стојат уште предизвици. И нема да бегаме од нив, туку со подготвеност ги прифаќаме. Затоа што овој мој мандат не е за удобност, туку за промени. Ние нема да дозволиме Скопје никогаш повеќе да биде ограбувано, запоставувано и уништувано, нагласи скопскиот градоначалник.

 

Поврзани теми:

актуелно|Скопје|Орце Ѓорѓиевски|реконструкција|отчет|метропола|обнова|чистење

Повеќе на оваа тема:

Најнови вести од: Македонија

Не може за едни 400, а за други 1.400 денари – Град Скопје става крај на повластените цени за паркинг

Градоначалникот Орце Ѓорѓиевски најави воспоставување на целосна дисциплина во секторот паркирање. Клучната новина е укинувањето на долгогодишната неправда каде администрацијата уживаше бенефиции на сметка на обичниот граѓанин.

Скапо или евтино е скијање во Австрија?! Македонец сподели искуство на социјалните мрежи

Додека голем број граѓани одлучија зимава да отпатуваат во ски центрите во регионот, како Копаоник и Банско, инфлуенсерот Стефан Спирковски замина во Австрија а за своите следбеници на Инстаграм сподели кратко видео во кое даде детален опис, колку навистина чини едно вакво уживање.

УПОЗ и Владата блиску до договор – платите ќе растат постепено, се чека став од раководството на УПОЗ

По денешната средба во Владата, гранковиот синдикат УПОЗ соопшти дека ја прифаќа владината формула за зголемување на платите во администрацијата и правосудството.

Албанци-студенти по право бараат да полагаат правосуден испит на албански јазик, во спротивно протести

Студентите, Албанци по право се разочарани од одговорот на Министерството за правда, кое не дозволува правосудскиот испит да се одржи и на албански јазик, туку само на македонски. Мевлан Адеми од студентската иницијатива најави дека можни протести, доколку одлуката не биде сменета.

Мицкоски: Фокусирани сме на спроведување на реформската агенда и воведување ред во државата

Ќе имаме можност да почнеме еден циклус средби, односно брифинзи со претставници на земјите членки на Европската Унија, кои се резидентни во нашата земја, и ценам дека на овој начин можеме поблиску да ги доближиме активностите што како Влада ги правиме, а се поврзани со реформската агенда, истакна премиерот Христијан Мицкоски на денешниот брифинг за реформската агенда со амбасадорите на земјите членки на Европската Унија.

ВМРО ДПМНЕ: Извештајот на ДЗР за СОЗР е во време на владата на СДС, Мирчевски и Филипче се потврдени криминалци!

„Пеце Мирчевски ексдиректор на СОЗР направил низа злоупотреби во СОЗР за време на владеењето на СДС. Тој е синоним за начинот на владеење на функционерите од СДС: криминал, аздисаност и личен профит. Секојдневно на површина излегуваат докази за криминалното владеење на СДС, Филипче и нивните партиски функционери.“ – реагира ВМРО ДПМНЕ.
Сите вести од Македонија

Најнови вести

To top