Бизнис

Македонската минимална плата повредна од четири членки на ЕУ, според Евроњуз

Бруто минималната плата во Македонија има куповна моќ еквивалентна на 1.069 евра наспроти номиналната вредност од 586 евра

2 минути за читање

Минималната (бруто) плата во Македонија номинално е 26. меѓу 29 европски земји за кои има податоци, но според куповната моќ е на 20. место, покажува истражувањето на телевизијата Евроњуз бизнис.

Номинално, нето минималната плата во Македонија изнесува 24.397 денари или 397 евра, а бруто 36.037 денари или 586 евра, што е повеќе од Албанија (517 евра), Молдавија (319) и Украина (173).

Но, куповната моќ на македонската минимална (бруто) плата еквивалентна на 1.069 евра е поголема од таа на четири членки на Европската унија, и тоа Бугарија (1.039), Чешка (1.009), Летонија (954) и Естонија (886), како и од кандидатките за членство Турција (1.062), Црна Гора (1.058) и Албанија (708).

Луксембург има највисока номинална бруто плата во Европа од 2.704 евра, втора е Ирска со 2.391, а трета Германија 2.343. Од регионот најдобро стои Словенија со 1.278 евра, пред Хрватска со 1.050, Грција со 1.027, Србија со 744, Црна Гора со 670, Турција со 654, Бугарија со 620…

Според куповната моќ, пак, највредна е бруто минималната плата во Германија од 2.157 евра, пред Луксембург со 2.035 и Холандија со 1.979. Од опкружувањето пред Македонија се Словенија со 1.417 евра, Хрватска со 1.377, Грција со 1.194 и Србија со 1.105.

Поврзани теми:

топ|Македонија|европа|минимална плата|Евроњуз

Повеќе на оваа тема:

Најнови вести од: Бизнис

(Фото): HELLENiQ ENERGY ја пушти во употреба првата батериска постројка за складирање струја во Солун

Еден од најголемите системи за складирање електрична енергија во батерии во Грција и Југоисточна Европа е пуштен во употреба од страна на HELLENiQ ENERGY во индустрискиот комплекс на Групацијата во Солун. Со инсталирана моќност од 100 MW и капацитет за складирање од 200 MWh, проектот, вреден околу 50 милиони евра, претставува значаен чекор во развојот на капацитетите за складирање енергија во регионот.

Многу македонски компании ќе учествуваат на најголемата саемска манифестација во светот – Експо 2027

EXPO 2027 одржи од 15 мај до 15 август, темата на големата светска изложба е „Игра за човештвото: Спорт и музика за сите“ и ќе обедини учесници од повеќе од 140 земји од светот

Гувернерот Славески со македонскиот тим од Меѓународната економска олимпијада

Народната банка, како дел соработката со Сојузот на математичари, четврта година по ред учествува во подготовките на македонските средношколци за учество на Меѓународната економска олимпијада, преку стручни и едукативни активности од областа на економијата, финансиите и банкарството.

„Алкалоид“ со 23. учество на водечкиот глобален фармацевтски настан CPHI

Продолжува традиционалното присуство на „Алкалоид“ на една од водечките глобални платформи во фармацевтската индустрија, со фокус на продлабочување на меѓународните партнерства, следење на најновите индустриски трендови и отворање нови можности за развој.
Сите вести од Бизнис

Најнови вести

To top