На 9 февруари 2026 година во Europe House во Скопје ќе се одржи официјалниот настан на кој ќе се промовира проектот ELeVATE – Women in Net-Zero Technologies (Smart Electricity for Buildings – SEB), иницијатива насочена кон поттикнување на учеството на жените во одржливи енергетски и паметни технолошки решенија за објекти.
Настанот ќе обедини претставници од институции, меѓународни организации, образовни и експертски тела, како и претставници од технолошкиот и енергетскиот сектор, со цел отворање дијалог и промоција на можностите за развој на жените во областа на Net-Zero технологиите.
Датум: 9 февруари 2026 (понеделник)
Време: 13:00 – 15:00 часот
Локација: EUROPE HOUSE (ЕУ Делегација), Скопје
Учество: бесплатно
Настанот ќе започне со пристигнување и регистрација на учесниците, по што следува официјално отворање, презентација на проектот и панел дискусија со високи претставници од европските и националните институции и релевантни организации.
Меѓу говорниците и панелистите се:
· Н.Е. Michalis Rokas – Амбасадор на Европската Унија во РС Македонија
· MSc Sanja Bozinovska – Министер за енергетика, рударство и минерални суровини
· Prof. Dr. Viktorija Trajkov – Заменик министер за европски прашања
· MSc Ane Laskoska – Заменик министер за животна средина и просторно планирање
· MSc Ana Mihajlov – Директор на Националната агенција за европски образовни програми и мобилност
· MSc Monika Rizovska Tanevska – Претседател на Women in Tech North Macedonia
· MSc Jovan Kocev – Директор на Југоисточен плански регион
Настанот има за цел да ја истакне важноста на родовата инклузија во развојот на одржливи енергетски решенија и да поттикне соработка помеѓу институциите, експертите и технолошката заедница во насока на зелена и паметна иднина.
По панелот ќе следува сесија за заклучоци и прашања и одговори, како и неформално вмрежување со кафе.
Деталната агенда на настанот е доставена во прилог во PDF формат.