Во врска со информациите за сериозно загадување на водата за пиење и основните потреби на подрачјето на градот Струга, Основното јавно обвинителство Струга отвори предмет за испитување на причините и евентуалните кривични дела сторени против животната средина и природата.
Во координација со Министерството за внатрешни работи – ДПБ Струга, издадена е наредба судската полиција да изврши увид на локацијата во селото Шум, каде што се наоѓаат изворите од кои подрачјето на градот Струга се снабдува со вода за пиење.
„Во увидот треба да бидат вклучени и надлежните инспекциски служби од областа на животната средина, Агенцијата за храна и ветеринарство, како и Центарот за јавно здравје. Ќе бидат преземени и други инспекциски дејствија“, велат од Обвинителството./Телеграфи/