Бизнис

Трајановски за Гостивар – Букојчани: Од 31 км, активно се работи на 11, тој потег реализиран 59 отсто

На терен се 590 работници, над 500 машини и 55 камиони, „рапортира“ директорот на ЈП за државни патишта

1 минута за читање

Директорот на Јавното претпријатие за државни патишта, Коце Трајановски, со детали за досегашната изградба на автопатот од Гостивар до Букојчани.

„На делницата долга 31 км активно се работи на 11 км – со речиси 59% реализација на тој потег. Работите не запреа ниту во зима!

Во изградба се 4 моста и 1 натпатник. Мостот на 7-миот километар е во завршна фаза и веќе се вози по двете ленти.

На терен се 590 работници, над 500 машини и 55 камиони. Само за една недела е извршен ископ на 45.000 м³ земја.

Изграден е камп за над 1.200 лица, а работите се одвиваат со силна вклученост на домашни компании“, „рапортира“ Трајановски.

„Со изградбата на сите делници од Коридор 8 и 10, заедно со Кичево–Охрид, ќе добиеме целосен автопат од Скопје до Охрид – побрз, побезбеден и со силен економски и туристички бенефит.

Градиме со силно темпо – резултатите веќе се гледаат!“, додава тој.

Поврзани теми:

Гостивар Букојчани|избор|автопат|Коце Трајановски

Повеќе на оваа тема:

Најнови вести од: Бизнис

Азески: Кичево има потенцијал да стане мултимодален транспортен јазол

Во Стопанската комора во Кичево се одржа седница за разгледување на актуелната економска состојба во регионот, инфраструктурните приоритети, поддршката на локалните компании, како и можностите за заеднички иницијативи меѓу бизнис-заедницата и локалната власт. На седницата присуствуваа и раководителите на регионалните комори од Битола, Охрид и Прилеп.

Живејачката поскапа во февруари, синдикалната кошница над 1.100 евра – на што се должи тоа?!

Минималната синдикална кошничка повторно порасна. Во февруари, за основните трошоци на едно четиричлено семејство биле потребни 67.382 денари, речиси 1.000 повеќе од јануари. Според пресметките на Сојузот на синдикатите на Македонија, растот за само еден месец изнесува 969 денари.

Декемвриската просечна плата порасна за 7,6% и изнесува 46.889 денари

Зголемување на просечната месечна исплатена нето-плата по вработен, во однос на претходниот месец, е забележано и во Транспорт и складирање со раст од 12,8 проценти, Рударство и вадење на камен со 9,0 проценти, како и во Градежништво со 7,0 проценти.

(Фото): Се стега обрачот за издавање на потрошувачки кредити, банките ги заоструваат условите

Анализирано на годишно ниво, вкупните депозити се зголемени за 10,5%, во поголем дел поради зголемувањето на депозитите на секторот „домаќинства“. На годишна основа, вкупните кредити се зголемени за 13,6%, под влијание на растот на кредитите кај двата сектора, со поизразен придонес на корпоративниот сектор.

Македонија со најсилен раст во авиосообраќајот, воведени 23 нови линии со рекорден број на патници

Македонските аеродроми ја надминаа бројката од 3,5 милиони патници, а годинава таа бројка може да надмине четири милиони, што би претставувало историски рекорд за авиосообраќајот во земјава. Вицепремиерот и министер за транспорт Александар Николоски информираше дека од изборот на актуелната Влада се воведени 23 нови директни авиолинии.

Функционерските плати нема пак да пораснат, зошто ССМ ги премолчи фактите од 2024 година?!

За колку проценти пораснала просечната плата, за толку ќе се намалат коефициентите за функционерите. И годинава нема да се зголемуваат платите на премиерот, министрите, пратениците, судиите, обвинителите, градоначалниците. Власта прво ќе ја чека пресметката на Државна статистика. Оттаму утре ќе објават колку изнесува просечната нето плата за 2025-та.
Сите вести од Бизнис

Најнови вести

To top