Заедницата на македонски уметнички организации на државата Вукторија (ФОМКУД) одлучи да ја бојкотира MOOMBA парадата на градот Мелбурн во 2026 година на која требаше да учествува вчера.
Причината е во тоа што организторите не дозволија да се користи знамето со сонцето од Кутлеш.
,,По внимателни и долги консултации со нашите здруженија-членки и кореографи, ФОМКУД и претседателите на Македонските културно-уметнички друштва на Викторија заедно одлучија да не учествуваат на денешната Мумба парада на градот Мелбурн во 2026 година.
По месеци напорна работа од страна на нашите танчери, кореографи и сите вклучени, ова беше тешка и горчлива одлука. Никој не е задоволен од тоа како сме доведени до оваа точка или од опциите пред нас.
Како што многумина од вас знаат, градот Мелбурн не ни дозволи да парадираме со нашето знаме – Ѕвездата од Кутлеш – симбол што ги претставува сите Македонци од сите региони на Македонија. Сите сме длабоко разочарани од оваа одлука. Ја носиме Ѕвездата од Кутлеш во нашите срца”, објави македонската заедница.
Според ФОМКУД страста на Македонската заедница за знамето на Ѕвездата од Кутлеш е вистинска, моќна и очигледна во повиците до нив да се заземе став, да се спротивстави и да протестира.
,,Ве слушаме и разбираме зошто. Како лидери во рамките на ФОМКУД, ние ја чувствуваме таа страст и препознаваме што значи знамето за сите нас од повеќе перспективи. Во исто време, имаме одговорност кон нашите танчери и кореографи, кои се наши деца, да ги чуваме безбедни и да ги заштитиме од политички тензии. Нашите деца не се политичка алатка што треба да ја експлоатира која било страна во која било дебата, без разлика колку „во право“ се чувствуваме.
Во сето ова, ние сме и Мелбурнчани и дел од пошироката заедница во Мелбурн. Сите бевме воодушевени од можноста да го претставиме нашето македонско наследство, идентитет, песна и танц пред јавноста во Мелбурн на иконската парада Мумба. Но, ако е „не“ за нашето знаме и идентитет од нашиот дом, градот Мелбурн, тогаш велиме „не, благодарам“ за откажувањето од нашето знаме и нашиот идентитет, нема да поставиме самоуништувачки преседан, нема да ги компромитираме нашите танчери, кореографи или културно-уметнички здруженија – нема да присуствуваме”, порачуваат од ФОМКУД.
ОД Асоцијацијата велат дека се скршени што не им е дозволено самоопределување и претставување на македонскиот идентитет, но му се заблагодаруваат на Градот Мелбурн и на Организацискиот комитет на М MOOMBA за разгледувањето на жалбите во врска со одлуката за знамето.
,,За нас Македонците, учеството без нашето знаме би значело компромитирање на суштински дел од тоа кои сме. Културното изразување треба да се слави во целост, а не да се ограничува.
Најважно од сè, огромна БЛАГОДАРНОСТ до нашите танчери и кореографи за вашиот неуморен труд што нè инспирираше и обедини сите. Нè воодушевивте со она што го постигнавте. Целата Македонска заедница е неверојатно горда на вас”, стои во соопштението.
Во пораката до Македонската заедница се вели:
,,Се надеваме дека можете да ја разберете позицијата во која бевме принудени и невозможните компромиси што бевме замолени да ги направиме. Оваа вест е длабоко разочарувачка, особено за нашите танчери и семејства кои се подготвуваа со толку возбуда. Ви благодариме за вашето разбирање, солидарност и непоколеблива посветеност на нашата култура и заедница.
Останете со нас за големи работи што доаѓаат наскоро!
Со почит,
ФОМКУД Викторија
9 март 2026 година
Поврзани вести
Стефанидис: Македонците го признаа сонцето од Вергина како грчки симбол
Ако треба ќе умреме за Македонија, Сонцето од Кутлеш се уште го тресе Мелбурн (ВИДЕО)