Осумнаесетгодишен мотоциклист загина во сообраќајна несреќа што се случила вчера попладне на улицата „Адем Демачи“ во Скопје, соопшти Министерството за внатрешни работи.
Според информациите од МВР, несреќата била пријавена на 13 март 2026 околу 15:20 часот во СВР Скопје, а во неа учествувале мотоцикл „пијаџо беверли“ со скопски регистарски ознаки, управуван од А.Љ.(18), патничко возило „фиат“ управувано од 20-годишната Д.Т. и патничко возило „пежо 307“ со скопски регистарски ознаки, управувано од А.Б.(35), сите од Скопје.
Во несреќата, мотоциклистот починал на местото на настанот, а смрт констатирал лекар од Итната медицинска помош.
Увид на местото извршиле јавен обвинител и увидна екипа од СВР Скопје, а по насоки на обвинителот телото на починатиот е дадено за обдукција.