Македонија

По Милановиќ, и Милатовиќ на удар во Софија – се вклучил во „пропагандата на Скопје против Бугарија“

При посетата на Македонија црногорскиот претседател ги повтори сите „манипулации и лаги на режимот во Скопје“, обвини БГНЕС

Хрватскиот претседател Зоран Милановиќ одамна не е омилен во Софија поради отворената поддршка за Македонија и осудата на неправдите кон неа на евроинтегративниот пат, а од пред некој ден во тоа својство му се придружи и неговиот црногорски колега Јаков Милатовиќ.

Со наслов „Црногорскиот претседател се вклучи во пропагандата на Скопје против Бугарија“, агенцијата БГНЕС се осврна на изјавите на Милатовиќ при посетата на Македонија пред неколку дена, обвинувајќи го дека „јавно ги повтори сите манипулации и лаги што режимот во Скопје ги шири во врска со европските интеграции“.

Во поткрепа на „обвинението“, БГНЕС ја цитира изјавата на Милатовиќ, во која зборува за Македонија без „Северна“ и за Македонците како браќа.

„Мислам дека на Македонија ѝ е нанесена голема неправда во процесот на европска интеграција. Дека тоа е земја која, како што рековте, доби статус на кандидат одамна во 2005 година, дури и пред Црна Гора да ја врати својата независност. Сепак, честопати билатералните односи меѓу Македонија и соседите на Македонија беа главната пречка на патот на Македонија кон ЕУ. И токму поради оваа причина, морам да кажам овде, во името на македонските граѓани, наши пријатели, искрени пријатели, дека во Црна Гора ги доживуваме Македонците како браќа. И ова не е став на претседателот на Црна Гора, ова е став на обичен човек во Црна Гора, имено, дека на сите нас ни се чини дека на Македонија навистина ѝ е нанесена неправда и дека Македонија честопати, како што реков, била заложник на одредени билатерални односи, а понекогаш и на непотребно големи барања на своите соседи во опкружувањето. Но, знаете, светот во кој живееме не е секогаш фер“, е исказот на шефот на црногорската држава што го посочува агенцијата како крунски аргумент за неговата антибугарска позиција, според неа.

Вториот аргумент на БГНЕС се комплиментите од Милатовиќ за претседателката Гордана Силјановска и за Владата на Христијан Мицкоски.

„Мислам дека имате добар претседател, мислам дека имате способна влада. Во секој случај, македонските граѓани, македонските донесувачи на одлуки, најдобро ќе знаат како да пристапат кон сето ова. Она што го кажав денес, и во презентацијата, и во обраќањето пред студентите на Универзитетот во Скопјe заедно со претседателот, мислам дека ќе имате избор дали сакате да бидете во право или сакате да станете членка на Европската Унија. И тоа е изборот што го имате“, рече Милатовиќ.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top