Македонија

Николоски: Пробиен половина од автопатот Прилеп-Битола

Досега се пробиени 22 километри од вкупно предвидените 40 километри, што претставува околу 55 проценти од трасата

1 минута за читање

Изградбата на автопатот Прилеп–Битола се одвива со засилена динамика и според предвидениот план, при што се надминуваат сите тековни предизвици на терен, изјави вицепремиерот и министер за транспорт Александар Николоски при увид на градежните активности заедно со директорот на Јавното претпријатие за државни патишта, Коце Трајановски.

Министерот на Фејсбук објави дека се очекува автопатската делница да биде завршена на почетокот од 2028 година.

„Се работи со силен интензитет на терен, со добра координација меѓу институциите и изведувачот. Овој проект е од исклучително значење за целиот регион“,  сподели Николоски.

Според официјалните податоци, досега се пробиени 22 километри од вкупно предвидените 40 километри, што претставува околу 55 проценти од трасата. Паралелно со земјените работи, активно се градат и придружни инфраструктурни објекти, меѓу кои два моста, два потпатника, еден натпатник и една клучка.

На терен во моментов се ангажирани повеќе од 75 машини и градежна механизација. Во однос на процесот на експропријација, од вкупно 1.263 предмети, решени се 1.204, додека 59 се во тек, што, според надлежните, укажува на забрзана реализација на оваа фаза.

Поврзани теми:

актуелно|битола|Николоски|Прилеп|автопат

Повеќе на оваа тема:

Најнови вести од: Македонија

Новиот систем за влез и излез во ЕУ направи хаос на аеродромите низ Европа и светот! Патниците чекаат по три часа во најголем број случаи!

Целосното спроведување на Системот за влез/излез на ЕУ (EEС) на 10 април го зголеми времето за обработка на границите за до 70%, при што „АЦИ“ – меѓународната организација што ги обединува аеродромите низ светот пријави време на чекање од три часа во најголем број случаи! Оливие Јанковец, директор на европскиот оддел на „АЦИ“, изјави за „Фајненшл тајмс“: „Оваа ситуација, во наредните недели и секако во текот на летните месеци во шпицот, ќе биде едноставно неуправлива.

Зошто само кривична, кога можеше и тепање на новинари по гол задник?!

Со радост и извесен трепет, во кругот на семејството и пријателите, ја примив веста за кривичната пријава на СДСМ против Алфа ТВ! Некои од пријателите прославија со чашка ракија, други подигнаа стисната тупаница и ја отпеаја Интернационалата. Јас пак, на крајот се намуртив

МАН: Наместо за ТВ АЛФА ОЈО да го истражи перењето пари за СДСМ преку Фондацијата Заеви и маркетинг-агенцијата „Токио“, поврзано со експремиерот Ковачевски!

Откако СДСМ не утврдил незаконитости и неправилности во период на неговото владеење за кое се однесува кривичната пријава, сега бараат институциите од новата влада да најдат нешто што тие не го нашле и што не постои. Сѐ може да се смени, само СДСМ останува прогонител! – се вели во реакцијата на Македонската асоцијација на новинари (МАН).

„Македонскиот етимолошки речник“ на Гоце Цветановски – непобитен доказ за посебноста на македонскиот јазик и придонес кон јакнењето на националната македонска самосвест!

„Македонскиот етимолошки речник“ е од особено значење за македонскиот јазик бидејќи претставува научно втемелено сведоштво за историскиот развој на македонскиот јазик, нуди научно аргументирана анализа на потеклото на македонските зборови, поставени во поширок словенски и индоевропски контекст. Речникот придонесува да се зајакне научната и културната самосвест и претставува достоен претставувач за меѓународна афирмација на македонскиот јазик како самостоен словенски јазик со сопствена историска и етимолошка традиција. Со тоа Речникот се вградува во темелите на македонското културно и научно наследство и претставува дело со трајна вредност.

Николоски: Од јуни Прилеп и Битола ќе бидат поврзани со воз, повратниот билет ќе чини 150 денари

Меѓуградски воз Прилеп-Битола ќе почне да функционира од јуни, а повратен билет ќе чини 150 денари. Новата врска меѓу овие два соседни града ја најави министерот за транспорт и врски Александар Николоски. Тој денес добил ветување од градежниците дека првите километри од автопатот меѓу Прилеп и Битола ќе се возат веќе следната пролет, а делницата, според договорот, ќе биде целосно завршена до крајот на 2029 година.

Героски: Време е државниот обвинител да му каже на Филипче да се скурдепса со својата недозволива највалкана пропаганда и напади врз ТВ Алфа!

„Обвинителот нека го послужи со кафе, нека го праша кои се намерите на Венковиот глас што допира до органите на прогонот, нека му објасни на лидерот кои одредби од нашето кривично законодавство не дозволуваат вакво поведение и ваков третман на седмата сила и нека го предупреди на последиците во иднина. Им упатувам јавна поддршка на медиумските работници од Телевизија Алфа, а посебно на младиот колега Матеја Петровски, кој мораше да ги прими и да ги пренесе непристојните и заканувачки зборови на Венко Филипче, искажани на последната прес-конференција на СДСМ.“  – реагира жестоко Бранко Героски, уредникот во Плусинфо, во својата колумна со наслов „Време е државниот јавен обвинител на Венко Филипче да му каже да се скурдепса“.
Сите вести од Македонија

Најнови вести

To top