Македонија

Вицепремиерот Беким Сали ги претстави во Дизелдорф, во Германија, можностите за инвестиции во Македонија

Вицепремиерот и министер за европски прашања Беким Сали учествуваше во расправата на тема „Можности за странски инвестиции во С.Македонија“, која се одржа во Дизелдорф, во Германија. Тој ја истакна Германија како најголем трговски партнер и еден од водечките инвеститори во Македонија. Сали нагласи дека повеќе од 150 германски компании работат во Македонија, вработувајќи повеќе од 22 илјади граѓани и придонесувајќи значително за економскиот развој.

1 минута за читање

Вицепремиерот Сали ја нагласи постојаната доверба на германските инвеститори, изразена преку зголемените инвестиции и реинвестиции, како и заложбата на Владата за создавање стабилна, конкурентна и предвидлива деловна средина. Toj укажа дека економската соработка со Германија оди напоредно со евроинтеграцијата. Притоа беше реафирмирана целосната посветеност на Македонија кон реформите и членството во Европската Унија.


Беким Сали во Леверкузен денеска оствари средби со претставници од неколку успешни компании од нашето иселеништво. -Во рамките на овие средби, тој ги посети компаниите PEVALIT/PEVAPOR, A&F Baustoffhandel, Miftari Dämm-Flex GmbH и R&R Invest GmbH, кои претставуваат успешни примери на претприемништво на нашите иселеници на меѓународните пазари. За време на средбите се разговараше за можностите за продлабочување на економската соработка, проширување на инвестициите и зајакнување на врските меѓу иселеништвото и домашната економија, соопшти Министерството за европски прашања.

Вицепремиерот Сали истакна дека Владата останува посветена на создавање поволна инвестициска клима, со посебна насоченост на иселеништвото, кое го смета како стратегиски партнер во економскиот развој на државата. Сали подвлече дека искуството и капиталот на дијаспората претставуваат значаен потенцијал за економски раст и забрзување на европската интеграција на Македонија.

Поврзани теми:

актуелно|евроинтеграција|вицепремиер и министер за европски прашања Беким Сали|економска соработка на Македонија со Германија

Повеќе на оваа тема:

Најнови вести од: Македонија

Стојаноски: Македонија предводник во регионот, патничкиот авиосообраќај порасна за 27,9%

Резултатите покажуваат дека Македонија станува се попривлечна туристичка и транспортна дестинација. Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај, вели пратеникот на ВМРО-ДПМНЕ, Бојан Стојаноски.

Тошковски: Водата во Гостивар останува исклучиво за техничка употреба, контролите ќе се засилат

Водата од градскиот водовод во Гостивар сè уште не е безбедна за пиење и останува да се користи исклучиво како техничка, соопшти министерот за внатрешни работи Панче Тошковски по состанокот на Главниот штаб за управување со кризи.

Уште еден сомнителен случај на западнонилска треска

Уште едно лице, на возраст од 76 години, кај кое е потврдено воспаление на мозокот и мозочните обвивки од вирусно потекло, како и позитивна серологија од серум за вирусот западен нил е хоспитализирано во текот на изминатото денонокие на Клиниката за инфективни болести.

ВМРО ДПМНЕ: Жерновски 20 години ја цица државата, тој е талог на општеството

СДСМ се препозна и се прогласи за талог на општеството, а еден од основоположниците на тој талог е токму нивниот неуспешен амбасадор Андреј Жерновски, одговори ВМРО-ДПМНЕ на прес-конференцијата на Жерновски.

Обвинителот предложи притвор за „газдарицата“ на „Камените кукли“ Стојна Димитровска Бут (41) од Кратово, која беше уапсена на 2 август, откако се тепаше со туристи!

Јавен обвинител од Основното јавно обвинителство (ОЈО) Куманово до надлежниот суд поднесе предлог за определување мерка притвор за 41-годишна жителка на Кратово која вчера беше лишена од слобода и за која се водат постапки за спречување на службени лица во вршење службени дејствија и узурпација на локалитетот „Камени кукли“, наоѓалиште е заштитено како природна реткост, во кратовското село Куклица.
Сите вести од Македонија

Најнови вести

To top