Најбогатиот човек во Украина купи огромен луксузен стан во најпрестижниот нов комплекс во Монако за неверојатни 471 милион евра, односно 554 милиони долари. Ова е еден од најголемите зделки за резиденција во историјата, објави Блумберг.
Имотот го стекна холдинг компанијата на олигархот Ринат Ахметов. Има 21 соба, приватен базен, џакузи и најмалку осум паркинг места. Зафаќа околу 2.500 квадратни метри (без балконите) на пет ката во водечката зграда „Ле Ренцо“ во комплексот Маретера, изграден на рекултивирано земјиште, кој го отвори принцот Алберт II во 2024 година и привлече инвестиции од богати луѓе од целиот свет.
Продажбата треба да заврши во 2024 година.
Највисоката цена досега за дом во историјата неодамна ја плати инвеститорот Ник Кенди во Челзи за повеќе од 350 милиони долари. Менаџерот на хеџ фондови Кен Грифин купи пентхаус во Њујорк за 240 милиони долари.
Сместен во карпеста област помеѓу Франција и Италија, Монако традиционално е најскапиот пазар на недвижности во светот поради малата големина на кнежевството, кое е познато и како даночен рај.