Свет

Швајцарија удри по џеб Украинец што земал социјална помош, а возел „порше“

Бегалецот казнет со 84.000 евра за тоа што три години добивал финансиска поддршка, а се шетал со луксузно возило низ Европа

1 минута за читање

Суд во швајцарскиот кантон Вод му пресуди на украински бегалец за злоупотреба на социјална помош, наложувајќи му да ги врати сите 84.000 евра што ги добил во минатите три години.

Станува збор за 40-годишен украински државјанин, кој се водел како социјално загрозен и добивал финансиска поддршка, а паралелно водел луксузен живот.

Тој го привлекол вниманието на институциите откако откриле дека патува низ Европа со нов „порше кајен“ со кожни седишта.

Украинецот двапати се обидел да ја оспори судската одлука, тврдејќи дека и понатаму има потреба од финансиска помош за живот во Швајцарија, но судот ги одбил неговите жалби како неосновани.

Швајцарските власти порачуваат дека ќе продолжат со засилени проверки за да спречат слични случаи и да обезбедат социјалната помош да стигнува до оние на кои навистина им е потребна.

Поврзани теми:

швајцарија|суд|Украинец|бегалец|социјална помош|„порше кајен“

Повеќе на оваа тема:

Најнови вести од: Свет

Првата македонска аналогна астронаутка Мартина Димоска од Кичево: цели да отвори опсерваторија и лабораторија за вселенски науки, во Западна Македонија!

Живеење во изолирани бази, ограничена комуникација, строго дефинирани мисиски правила и постојано тестирање на човечките и технолошките граници – ова не е научно-фантастичен филм, туку секојдневието на аналогните астронаути, професионалци кои ги симулираат вселенските мисии на Земјата. Една од нив е и Мартина Димоска, Македонка од Кичево, првата жена аналогна астронаутка од Балканот. Аналогните астронаути го отвораат патот на човештвото до Месечината, Марс и другите планетарни тела.

Орбан: Украина е непријател на Унгарија, бараше да не добиваме руски енергетски резерви

„Додека Украина го прави ова, нашиот непријател ги крши нашите основни интереси“, рече Орбан и истакна дека, доколку не беа руската нафта и гас, Унгарија ќе мораше да плаќа неколку пати повисоки цени од сегашните“

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите (Видео)

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

80-годишен Италијанец под сомнение за учество во „снајперски туризам“ во Сараево

Покренувањето на истрагата во ноември 2025 година предизвика реакции кај преживеаните од опсадата и нивните семејства, кои изразија надеж дека ќе се утврдат одговорностите и ќе се изведат пред правдата лицата вклучени во овие наводни злосторства, дури и по три децении.
Сите вести од Свет

Најнови вести

To top