Острата проценка на германскиот канцелар Фридирих Мерц за застојот во американско-иранските разговори директно е во спротивност со напорите на Доналд Трамп да ја прикаже ситуацијата во позитивно светло и веројатно ќе го продлабочи сериозниот трансатлантски јаз меѓу САД и нивните сојузници во НАТО, пишува Гардијан.
Пред два дена, Доналд Трамп го откажа патувањето на американските преговарачи во Исламабад, каде што требаше да се одржат индиректни разговори со иранската делегација. Претходната рунда разговори во пакистанската престолнина, одржана две недели претходно, заврши без напредок, а американската делегација потоа ја предводеше потпретседателот Џеј Ди Венс.
Само еден ден пред изјавата на Мерц, американскиот претседател изјави за Фокс Њуз: „Ги држиме сите карти во наши раце“, додавајќи дека ако Техеран сака да разговара, „може да дојде кај нас или може да ни се јави“.
Мерц оценува дека тимот на Трамп бил надигран:„Очигледно, Иранците се многу вешти преговарачи, или уште подобро, тие се многу вешти во избегнувањето преговори. Тие им дозволуваат на Американците да дојдат во Исламабад, а потоа ги оставаат да си заминат со празни раце“, рече тој.
„Целата нација е понижена од иранското раководство, особено од таканаречената Револуционерна гарда. Затоа се надевам дека сето ова ќе заврши што е можно поскоро“, додаде германскиот канцелар.