Фитнес тренерот и магистер по право Луција Јаковлеска лажно се претставува дека е советничка на претседателката Сиљановска-Давкова.
На социјалните мрежи односно на Фејсбук Јаковлеска се претставува како советник на претседателката Гордана Сиљановска-Давкова.
На прашање на expres.mk за каков вид на советничка се работи од кабинетот на претседателката велат дека лице со такво име и презиме не е вработено ниту е ангажирано по било каква основа од страна на кабинетот на Сиљановска-Давкова.
Во алатката за исплати на парични средства за ангажмнан на лица од државните институции нема граѓанка со такво име кое е ангажирано од страна на кабинетот на претседателката Сиљановска-Давкова.
Кривичното дело „лажно претставување“ е предвидено во Член 391 од Кривичниот законик на Република Северна Македонија.
Според законот тој што со намера за себе или за друг да прибави корист или на друг да му стори штета, лажно се претставува како службено или воено лице или неовластено носи знаци на службено или воено лице, ќе се казни со парична казна или со затвор до една година.
Со истата казна ќе се казни и тој што ќе изврши дејствие што е овластено да го изврши само определено службено или воено лице.
Фото: Фејсбук профил на Луција Јаковлеска