„Како ВРЕДИ, ја потврдуваме нашата непоколеблива посветеност на работничките права, фер платите и достоинствените услови за работа. Веруваме дека секоја капка пот заслужува фер награда, секој труд заслужува почит, а секој работник заслужува достоинствен живот.
Презедовме конкретни чекори: ја зголемивме минималната плата на 26.400 денари нето, важен чекор кон подобрување на животниот стандард и намалување на нееднаквостите. Ги зголемивме платите на здравствените работници, наставниците… и презедовме важни мерки за поддршка на различни категории на општеството.
За нашите пензионери, обезбедивме зголемување од +7.000 денари за над 340.000 корисници, подобрувајќи ја нивната благосостојба и економска сигурност.
Во областа на вработувањето, одобривме рекорден Оперативен план од 40 милиони евра, кој вклучува конкретни мерки за над 16.000 граѓани за вработување и самовработување.
Поддршката за претприемништвото е исто така во нашиот фокус: нудиме грантови до 20.000 евра за бизнис идеи и самовработување, промовирајќи го создавањето нови бизниси и економскиот развој.
Остваривме 250 милиони евра достапни за домашните компании за инвестиции и развој, со цел зголемување на конкурентноста и отворање нови работни места.
Во земјоделскиот сектор, ги поддржуваме младите луѓе со грантови од 10.000 евра за започнување земјоделски активности, давајќи им живот на руралните средини и зајакнувајќи го домашното производство. Во меѓувреме, во здравството, отворивме нови работни места за здравствени работници, вклучувајќи 600 позиции за специјалисти и специјализанти, како инвестиција во квалитетот на услугите за граѓаните.
Но, ова е само почеток…“соопштија од Движењето ВРЕДИ кое на 9 мај најави дека ќе се обедини во една парија.