Македонија

Провокација на Османи: Да создадеме фронт на отпор против агресијата врз Албанците во оваа пропадната држава – Албанците не прифаќаат да бидат кираџии во неа!

„Да се здружиме и да се мобилизираме против ова зло, против оваа политичка агресија, која се врши кон Албанците. Да создадеме фронт на отпор во оваа вонредна ситуација, која бара од нас сеопшта мобилизација.“ – изјави потпретседателот на ДУИ и поранешен министер за надворешни работи Бујар Османи, изнесувајќи тешки провокации во емисијата „Дебата“ на ТВ Шења. Повикот за мобилизација“ тој го упати, како што рече, до „сите непартиски луѓе, медиумите, бизнисите, невладините организации“, а потоа „ќе се зборувало за политичките партии и кој ќе биде на власт“. Меѓутоа, овој „повик“ на Бујар Османи, кој е и сѐ уште портпарол на ДУИ, е едновремено повик и за уривање на постојната Влада на Република Македонија и одраз на намерата на ДУИ да се врати „триумфално“ на власт!

2 минути за читање

Како што пренесе информативната агенција Илирија- ИНА, во споменатата емисија Османи наведе тврдење дека, наводно, дека Македонија станала „пропадната држава поради меѓуетничките односи и меѓународната изолација“! „Во времето кога ДУИ беше на власт државата беше епицентар на регионалната дипломатија и пошироко. Но сега се претвори во изолирана оаза, во која никој не стапнува повеќе.“ – тврдеше Бујар Османи. Притоа тој наведе дека, наводно, „имал слушнато од известувачот за Македонија Томас Вајц дека Македонија направила нула реформи и оти е тоа навистина вознемирувачко“. 

Иако ја прогласи Македонија како „пропадната држава“, потпрeтседателот на ДУИ Османи, сепак, рече дека и во „таквата држава“, според него, „Албанците не сакаат да бидат кираџии“! „Албанците потпишаа договор и не прифаќаат статус на потстанари, на кираџии во оваа држава. Македонците не го прифатија никогаш овој договор и само го чекаа моментот кога ќе ги урнат неговите темели. Постојат три причини зошто оценуваат Македонците дека сега е моментот за уривање на тие темели. Прво, македонските политички сили мислат дека се консолидирани. Второ, сметаат дека вратата на Албанците е без чувар и оти нема кој да го брани нивниот интерес. Трето, мислат дека то тие сметаат дека поради светските случувања, пренасочувањето на вниманието кон САД и Иран, кон Европа и нејзините проблеми со Русија, сега е создаден вакуум, за да нападнат и да ги урнат темелите на рамноправноста.“ – наведе Бујар Османи.

 

Поврзани теми:

актуелно|избор|потпретседател и ексминистер за надворешни работи Бујар Османи|Македонија „пропадната држава“|повик за „создавање фронт на отпор“

Најнови вести од: Македонија

Пркосот на масакрираната „Македонска сончева колона“ од Ваташа кон бугарските фашисти на 16.6.1943: Стрелајте кучиња, но нашата идеја нема да умре!

На денешен ден, на 16 јуни 1943 година беше извршен Ваташкиот масакр, најголемото злосторство врз македонскиот народ за време на Втората светска војна во Македонија, покрај Дабничкиот колеж. Со намера да го спречи големиот подем на народно-ослободителното движење во Македонија, а сѐ во рамките на Јунската непријателска офанзива, бугарскиот фашистички окупатор во месноста „Моклиште“ масакрира и стрела 12 Македонци од селото Ваташа на возраст од 15 до 27 години. Во пролетта 1943 година, по повеќе акции на партизанските одреди на Третата оперативна зона, три полка бугарска војска и одреди полиција, под команда на полковникот Апостолов, од 7 до 16 јуни 1943 година започнува со офанзива за уништување на партизаните. Но, откако доживува неуспех, се нафрла и на мирното население. Врвот на бугарските погроми над цивилното македонско население е ваташкиот масакр „во чест“ на роденденот на бугарскиот престолонаследник Симеон ІІ. Дали и кога ќе дојде бугарски претседател, или премиер, во Ваташа да клекне пред масакрираните Македонци и да побара прошка во име на бугарската држава и народ, како што стори германскиот канцелар Вили Брант на 7.12.1970 пред споменикот на Евреите од Варшавското гето во Варшава, стрелани од германските фашисти? Тој дождлив ден германскиот канцелар Брант беше клекнат на колена само 30 секунди, но во таа половина минута испиша ново поглавје во германската историја. Дали може и бугарски политичар да испише денес ваква нова страница, вакво нови поглавје во нивната бугарска национална историја, засебна од македонската историја? Па дури тогаш да започне вистинска, нова ера на вистински македонско-бугарски добрососедски односи со заемно разбирање, признавање и пријателство?
Сите вести од Македонија

Најнови вести

To top