Македонија

Страотна трагедија во Хрватска: македонски државјанин-возач на камион од Македонија изгоре во кабината! (Видео)

Возач од Македонија настрада во тешка сообраќајна несреќа што се случи во вторникот околу пладне на автопатот Брегана-Загреб. Камионот што тој го управувал ја пробил заштитната ограда, удрил во далновод и се запалил, потврди Полициската управа Брод-Посавина. Според неофицијални информации што ги пренесуваат локални портали, возачот бил заробен во возилото и не успеал да излезе, по што починал. Според хрватските медиуми, станува збор за македонски државјанин.

2 минути за читање

Несреќата се случила во близина на Среданци во правец на Брегана, а полицијата добила пријава за пожар во возило во кое имало едно лице. На местото на несреќата биле испратени сите служби за итни случаи, вклучувајќи ги и пожарникарите, кои имале тешкотии да стигнат до местото на несреќата поради настанатиот сообраќаен метеж. „Фејсбук“ страницата „Пожарникари – 193“ објави видео од нивното возење по автопатот, на кое се гледа дека другите возачи не создале коридор за итни случаи.

Хрватската полиција излезе со соопштение во кое потврди дека камионот е од Македонија. „На автопатот А3 (област на општина Доњи Андријевци), камион излетал од патот и се запалил. Едно лице загина во инцидентот. На местото на настанот беа пронајдени регистарски таблички од Република Северна Македонија.

Утврдено е дека засега непознатиот возач го возел камионот, движејќи се по јужната лента, и се лизнал од коловозот на северната страна, ја пробил централната метална заштитна ограда, удрил во столб за улично осветлување и преминал на спротивната северна лента. Откако се занело возилото, повторно удрил0 во централната заштитна ограда и друг столб за уличен светилка. Како резултат на пожарот, камионот целосно изгоре заедно со непознатиот возач. На местото на настанот беа повикани служби за итни случаи“ – се вели во соопштението од Полициската управа Брод-Посавина.

Видео

Поврзани теми:

топ|избор страотна трагедија во Хрватска|македонски државјанин возач изгоре во камион

Најнови вести од: Македонија

Македонија меѓу првите во регионот ќе добие пристап до „роаминг како дома“ во ЕУ

Министерот за дигитална трансформација Стефан Андоновски очекува Македонија да биде меѓу првите држави на која ќе и биде овозможен роаминг без дополнителни трошоци во ЕУ. Добри вести очекува на Самитот ЕУ-Западен Балкан којшто ќе се одржи на почетокот на јуни во Подгорица. Смета дека ќе биде меѓу првите држави со кои Европската Унија ќе потпише договор за т.н. роаминг како дома.

Злоупотреба на паркинг- системот на Зелено пазарче: „Еден плаќа, тројца излегуваат“!

Снимка од паркингот кај Зелено пазарче во Скопје открива злоупотреба на системот за наплата, при што повеќе возила излегуваат со една платена картица, оставајќи ги оние што плаќаат – без место за паркирање. Револтиран жител кој го снимил случајот вели дека проблемот е сериозен и секојдневен, а последиците директно ги чувствуваат граѓаните кои редовно плаќаат.

(Фото): Меморандуми за соработка со високообразовни институции за поддршка на општините

Меморандумите имаат за цел да ја поврзат академската експертиза и научно-истражувачкиот потенцијал со реалните потреби на општините, преку заедничко делување во областите што се од надлежност на општините.

Математичкиот гениј Македон дел од денешната расправа, посветена на улогата на вештачката интелигенција во образованието

Подигнување на свеста на општеството за значењето на знаењето и за значењето на наставниците е целта на последната панел-дискусија во рамките на кампањата „Магијата е во знаењето“ на тема „Училницата на иднината: вештачката интелигенција, знаењето и новата улога на наставникот“. Ова денеска го истакна министерката за образование и наука Весна Јаневска, која рече дека денешната тема е вештачката интелигенција (ВИ) и дека нивна цел како Влада и како Министерство за образование и наука е да ја воведат во секојдневниот живот на учениците и наставниците, но исклучително внимателно со користење на етичките принципи затоа што секоја нова технологија носи многу добри страни и ризици.

Кој го користи Вардар како контејнер за хемикалии?! Вчера непријатна миризба на хемиски агенси во Сарај, Ѓорче Петров и Карпош

Доцна вчера, во периодот од 21 до 0:30 часот во СВР Скопје, повеќе граѓани пријавиле дека во Скопје, покрај кеј на река Вардар, на подрачјата на Карпош, Ѓорче Петров и Сарај, во воздухот се чувствувала непријатна миризба на хемиски агенси.

Лимани: За предвремени избори сум и нема веќе да бидам дел од „Вреди“!

„Јас сум за предвремени избори и нема веќе да бидам дел од ‘Вреди’!“ – истакна денеска министерот за социјална политика, демографија и млади Фатмир Лимани, коментирајќи ја синоќешната фејсбук-објава „Со Фатмир Лимани сакавте војна, сега покажете колку вредите! Набргу ќе ви овозможам да се покажете“. Инаку, премиерот Христијан Мицкоски денеска изјави дека годинава нема да има предвремени избори, оти ова е реформска година и година на консолидирање. „Би сакал да има редовни парламентарни избори во 2028 година, но ВМРО-ДПМНЕ како партија, е подготвена, ако тие избори се одржат една година порано.“ – нагласи Мицкоски.
Сите вести од Македонија

Најнови вести

To top