Националното биро за борба против корупција на Украина (НАБУ) и Специјализираното обвинителство за борба против корупција (САП) објавија дека на Андриј Јермак, поранешен шеф на кабинетот на претседателот Володимир Зеленски, му е доставено официјално известување дека е осомничен во истрага за перење пари од приближно 460 милиони гривни (околу 14,5 милиони евра).
Според НАБУ и САП, истрагата се однесува на организирана група осомничена за перење пари преку градежни проекти.
Јермак е обвинет според член од украинскиот Кривичен законик што се однесува на перење пари во големи размери и легализација на имот стекнат преку криминална активност.
За овие кривични дела се предвидува затворска казна од 8 до 12 години со конфискација на имот, пренесува „Укринформ“.
Случајот е дел од пошироката операција „Мидас“, започната кон крајот на 2025 година поради сомневања за корупција во енергетскиот сектор и влијание врз државните претпријатија, вклучувајќи го и „Енергоатом“.
Истрагата претходно вклучуваше осомничени, меѓу кои и одредени бизнисмени и поранешни функционери поврзани со енергетскиот сектор, додека некои од осомничените ја напуштија Украина и по нив е издадена меѓународна потерница.