САД размислуваат да подигнат обвинение против кубанскиот лидер Раул Кастро, изјави функционер на Министерството за правда.
Бидејќи обвинението мора да биде одобрено од голема порота, сè уште не е јасно кога тоа ќе се случи, објави Си-Би-Ес.
Се очекува 94-годишниот поранешен кубански претседател и брат на Фидел Кастро да биде обвинет за соборување – авиони!?
Си-Би-Ес претходно објави дека случајот се однесува на соборувањето на авионите на хуманитарната група „Браќа во помош“ во 1996 година.
Канцеларијата на американскиот обвинител за јужниот округ на Флорида го надгледува прегледот на потенцијалните кривични обвиненија против високи кубански функционери.
Раул Кастро, 94, го наследи својот брат Фидел како претседател на Куба во 2008 година и се повлече во 2018 година по отслужувањето на вториот мандат.
Сепак, тој ја задржа својата лидерска позиција како прв секретар на владејачката Комунистичка партија до 2021 година, кога му ја отстапи функцијата на Мигел Дијаз-Канел.
Сепак, Раул Кастро сè уште се смета за де факто лидер на Куба.