Македонија

Нема одложување на системот EES за „трети земји“, но можна е флексибилност …

Земјите-членки на ЕУможат да применат привремена флексибилност на одредени гранични премини во исклучителни оперативни околности и за ограничени временски периоди

 

Европскиот систем за влез и излез е систем на ниво на Шенген, се применува подеднакво во сите земји учеснички и не е предвидено одложување за некои трети земји, вели Делегацијата на ЕУ во Македонија.

„Правната рамка не предвидува никакви понатамошни одложувања или општи исклучоци за граѓаните на одредени трети земји“, одговори Делегацијата на ЕУ на прашањето дали ќе има одложување во имплементацијата на системот EES за некои земји кои не се дел од Унијата.

Сепак, земјите-членки можат да применат привремена флексибилност на одредени гранични премини во исклучителни оперативни околности и за ограничени временски периоди, велат од Делегацијата на ЕУ за „Локално“

„Европската комисија внимателно го следи спроведувањето на системот, а Делегацијата на ЕУ во С.Македонија го следи на терен, одржувајќи близок контакт со земјите-членки“, додаваат од официјалната европска институција во земјата.

Вчера, министерот за надворешни работи, Тимчо Муцунски, во одговор на пратеничко прашање, изјави дека информациите дека постои индивидуално ослободување на одредени земји од системот за влез и излез од Унијата не се точни. Тој вчера повтори дека се водат дискусии на највисоко ниво со земјите-членки за да се покаже флексибилност во однос на имплементацијата на системот ЕЕС за земјите од регионот.

„Тоа што би можел да ја информирам јавноста е дека имаме разговори и со институциите на Европската Унија и со земјите членки, за во летниот период, кога ќе настанат најголемите гужви, да постои некаков систем преку кој ќе има олеснувања. Во моментот, бидејќи ништо не ни е официјално потврдено, за жал, и јас ништо не можам официјално да потврдам, но очекуваме како регион, соработувајќи и со земјите членки, кои и самите не сакаат вакви гужви, да има подобри услови од тие што ги имаше во последниот период“, изјави Муцунски вчера од Собранието.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top