Македонија

„Поуки“ и закани на Робели од Тирана: Сопственици на Македонија се и Албанците! Албанија и Косово да ѝ го сменат курсот на владата, за да не се лизне РМ во кризи!

„Сегашната македонска влада се обидува да го поткопа она што е постигнато во последниот четврт век во однос на унапредувањето на албанскиот јазик. Поради тоа Македонија може да се лизне во подлабоки кризи. Нејзината влада веројатно може да го промени погрешниот тек, по кој се движи, само со обединета реакција на Албанците и со поддршка на Приштина и Тирана. Сопственици на македонската држава се и Албанците и тие така треба да се однесуваат!“ – наведува од Тирана, од Албанија новинарот и публицист Енвер Робели во својата колумна со забележлива интонација на закани, во која тој отворено ги повикува Албанија и Косово да интервенираат во внатрешните работи на суверена Република Македонија и „да ѝ го сменат погрешниот курс на македонската влада“, „за да не се лизнела земјата во уште подлабоки кризи“!

2 минути за читање

Натаму, во писанието со наслов „За албанскиот јазик во Македонија, сеништата од минатото и еден друг, уште подраматичен проблем“, кое го објави информативната агенција на албански јазик Илирија-ИНА, покрај другото, колумнистот наведува: „Во денешна Европа е сосема незамисливо студентите да учат четири години на својот јазик – а потоа, за завршниот (правoсуден) испит, да им се каже од министерот за правда дека сега мора да го полагаат овој испит на друг јазик. Во овој случај, на македонски јазик. Албанските студенти се борат против оваа неправда две години, без соодветна политичка поддршка. Сегашната македонска влада се обидува да го поткопа она што е постигнато во последниот четврт век во однос на унапредувањето на албанскиот јазик.“

 

Ако е крајната цел на оваа македонска влада да го поткопа Охридскиот договор, тогаш оваа земја би можела да се лизне во подлабоки кризи. Во наредните недели се очекува Уставниот суд на Македонија да донесе одлука во врска со некои делови од законот за јазиците. Македонскиот премиер и ВМРО ДПМНЕ не се свесни дека само Албанци не го негираат македонскиот идентитет. Бугарите имаат проблем со македонскиот јазик, нарекувајќи го бугарски дијалект. Има Срби кои ја гледаат Македонија само како продолжение на Србија, српска покраина до Охрид. Но нема сериозен албански политичар, кој го негира националниот идентитет на Македонците.“

„Владата во Македонија веројатно може да го промени погрешниот тек, по кој се движи, само со обединета реакција на Албанците и со поддршка на Приштина и Тирана. Обединетиот одговор не треба да значи фолклорни пароли. Албанците се и треба да се однесуваат како сосопственици на македонскиот државен систем. Македонија се приклучи на НАТО, особено со поддршка на Албанците. Дури и овие неколку напредоци што ги направи кон ЕУ се исто така заслуга на Албанците.“ – пишува Енвер Робели во оваа колумна.

Поврзани теми:

„поука“ за Албанците од Македонија дека се „и тие сопственици на Македонија како држава“ и „така да се однесуваат“|повикување на Албанија и Косово да интервенираат во внатрешните работи на суверена Република Македонија|топ|избор|колумна на новибарот и публицист од Тирана|од Албанија|Енвер Робели

Најнови вести од: Македонија

Пријава на Антикорупциската комисија против поранешни директори во ТЕЦ Неготино: земале и плата и апанажа рамна на 12 плати!

Државната комисија за спречување на корупција (ДКСК) одлучи да поднесе пријава до Јавното обвинителство против поранешни членови на Управниот и на Надзорниот одбор на ТЕЦ Неготино.

По изјавата за Гоце Делчев, Рубин Земон на средба со Виктор Стојанов, кој има доживотна забрана за влез во Македонија

Рубин Земон, член на Централниот одбор на СДСМ, се сретнал со бугарскиот државјанин Виктор Стојанов, претседател на т.н. „Фондација Македонија“, кој има доживотна забрана за влез во Република Македонија и против кого пред два месеци беше поднесена кривична пријава за ширење говор на омраза кон македонската држава и народ.

„Н.М„: Исвиркувањата на химната и пораките за „Голема Албанија“ беа за прекројување граници и омраза кон Македонија! – Секоја европска држава би реагирала на тоа жестоко, со кривични постапки и казни!

„Кога се исвиркува македонската химна, кога не се станува во чест на државните симболи, кога се скандираат пароли за ‘голема Албанија’, кога се испраќаат пораки за прекројување граници и понижување на сопствената држава, тогаш тоа не е навивање. Тоа е политичка порака со опасна умисла и организираност. Ова беше организиран амбиент на омраза, нетрпеливост и отворено непочитување кон Македонија како држава. Ниедна сериозна европска држава не би дозволила организирано исвиркување на химната и сепаратистички пораки без жестока реакција. Ниту една! Во Франција, Германија, Италија или во Шпанија ваквите сцени значат експресни казни, кривични постапки, празни трибини и долгорочни забрани. Држава што не се брани себеси, почнува да се распаѓа однатре. Но, тоа нема да се дозволи тоа!“ – нагласува весникот „Нова Македонија“ во својот редакциски коментар со наслов „Кога ја исвиркуваш химната, ја исвиркуваш својата татковина!“.

Комисијата откри неправилности кај откупни центри: Се кршат правата на земјоделците

Од Комисијата информираат дека најсериозните прекршувања се однесуваат на регулирањето на договорните односи меѓу откупувачите и добавувачите на земјоделски и прехранбени производи.
Сите вести од Македонија

Најнови вести

To top