Македонија

Георг Георгиев: Македонија ја нападна ЕУ!?

Нападот врз бугарската мисија во Скопје не е само напад врз една земја, туку е напад врз земја-членка на ЕУ, а во оваа смисла и врз целата Европска Унија, рече пратеникот од пратеничката група на ГЕРБ-СДС и поранешен министер за надворешни работи Георг Георгиев, кој од собраниската говорница прочита декларација во име на пратеничката група.

3 минути за читање

Поранешниот дека коалицијата ГЕРБ-СДС остро го осудува секое однесување што поттикнува насилство и што демонстрира антидемократија и сака билатералните односи да бидат водени од економски, деловни, културни и образовни интереси.

– Нашите односи со Република С.Македонија во контекст на нивната европска интеграција доминираат и во бугарската надворешна политика и во политиката на ЕУ. Ова е достигнување на бугарската дипломатија, на бугарската држава и на заедничките напори на бугарскиот народ и институциите, кои по 2022 година продолжуваат да создаваат одржливост на нашето мислење и визија, какви што забележуваме дека веќе доминираат во ЕУ. Договорот за добрососедство и пријателство кој го потпишавме во 2017 година по многу години, напори и по многу отпор, сметавме дека ќе означи нов пат во односите. За жал, тоа не се случува. Гледаме дека јазикот на омразата, обидите да се фати тема за домашна политичка употреба, создаваат и пречки за процесот на европска интеграција, но и бариера за развојот на многу важни и суштински елементи на регионалната безбедносна архитектура на Балканот, како и во Централна и Источна Европа – рече Георгиев.

Вели дека „ Европскиот консензус од 2022 година, познат како „француски предлог“ или „француски компромис“, е она што понуди опција за излез од кризата со европската интеграција на РСМ, но исто така, создаде одржливост на приоритетот што бугарската влада на г-дин Бојко Борисов го наметна на целата ЕУ во 2018 година во врска со интеграцијата на Западен Балкан. Европската интеграција на Западен Балкан е приоритет за Бугарија од многу причини, од кои главната сега ја гледаме во контекст на војната во Украина – ова е заедничка безбедност, ова се заеднички инвестиции во одбраната, во поврзаноста, во борбата против хибридните елементи, со заканата што доаѓа од Истокот – рече Георгиев.

Отворените прашања со Македонија не се меѓу Софија и Скопјe, туку се меѓу Скопјe и Брисел, додаде тој.

– Она што владата во РСМ мора да го спроведе е поврзано со договор, со потпишување на преговарачка рамка, со протоколи изгласани од бугарскиот парламент, кои не стојат само меѓу нашите две земји. Тие се вткаени во општиот контекст на меѓународните одлуки, кои по 2022 година бугарската држава успеа успешно да ги почитува до ден-денес – рече Георгиев.

Нему му е мило, што институциите и целото бугарско општество се водат од една единствена кауза – бугарскиот национален интерес.

– Нема да бидеме ниту разбирачки расположени, ниту трпеливи, ниту толерантни кон каква било манифестација на насилство. Го повикувам Министерството за надворешни работи, но и целата влада да бидат крајно категорични во пораките што ги испраќаат до РСМ и до надлежните органи кои треба да истражат и казнат виновните. Ова не е преседан, туку рецидив – рече Георгиев.

Поврзани теми:

топ|Македонија|еу|Бугарија|Герг георггиев

Повеќе на оваа тема:

Најнови вести од: Македонија

Разидувања во Владата на Бугарија?! – МВР дало дозвола за блокада на три македонски гранични премини, но за МНР Чамова „тоа ќе биде контрапродуктивно за Бугарија“!

Бугарското Министерство за внатрешни работи дало дозвола за блокада на три македонски гранични премини на 21 Јуни. Блокадата, која ќе трае 2 часа, е организирана од антимакедонската бугарска Фондација Македонија. Во најавата за блокадата на Деве Баир, Делчево и Ново Село се вели дека протестот е координиран со Министерството за внатрешни работи на Република Бугарија. Но, министерката за надворешни работи од истата Влада на Бугарија нагласува дека „ваквите иницијативи не се поврзани со активностите на бугарската влада и не придонесуваат за заштита на националниот интерес на Бугарија“! Значи ли ова дека за истата тема има разидувања во бугарската извршна власт?!

Мицкоски: В петок и сабота средби со Вреди и ЗНАМ за владината реконструкција

Премиерот и лидер на ВМРО ДПМНЕ Христијан Мицкоски денеска информираше дека во петок и сабота ќе се одржат средбите со коалициските партнери од Вреди и ЗНАМ, на кои ќе се разговара околу најавената реконструкција на Владата. „Соработката меѓу ВМРО-ДПМНЕ и Вреди останува стабилна и ќе продолжи да се развива во истиот правец.“ – нагласи Мицкоски.

Теодосиевски: Сектата СДСМ итно бара „Бугари во Уставот“ и да ѝ се седне на Бугарија во скут, што би бил историски, јазичен, идентитетски и национален масакр на Македонија!

„Ако ѝ седнете на бугарија в скут, тогаш следи историски, јазичен, идентитетски, национален масакр! Тоа ќе биде комплетен историски масакр на македонското право на сопствена историја, на саможртвата на оние национални револуционерни дејци, ќе биде черечење на македонскиот јазик како „блгарски дијалект“ (што неодамна, повторно, го слушнавме во Софија!), ќе претставува целосно откажување од македонските корени и национални проблесоци! Не е ли основен политички ред опозицијата конечно да се изјасни дали со прифаќањето на уцената „Бугари во Устав“ и т.н. „француска рамка“ за почеток на пристапните преговори едновремено ја прифаќаат и „заедничката историја“ и разрешување на оние „наследени политички и историски проблеми“, што им се вртат во главата на Радев и бугарските ултранационалисти? Зашто тој процес нема да биде уште една домашна политикантска манипулација како „Преспанскиот договор.“ – нагласува Златко Теодосиевски во својата колумна со наслов „Историски масакр во два чина, или: која историја (уште) ќе ја менуваат?“, објавена на порталот „Плус инфо“.
Сите вести од Македонија

Најнови вести

To top