Ииранскиот претседател Масуд Пезешкијан изјави дека неговата земја ќе заврши „како Газа“ без нејзините проектили, велејќи дека балистичката програма на Иран не е предмет на преговори.
„Да не беа ракетите што ги имаме за нашата одбрана, Израел и САД ќе го срамнеа со земја Иран исто како Газа, не покажувајќи милост кон старите или младите“, рече тој за време на посетата на Пакистан, кој има важна посредничка улога во преговорите меѓу Техеран и Вашингтон за траен крај на војната на Блискиот Исток.
„Никогаш, под никакви околности, нема да преговараме со никого за нашите одбранбени способности“, додаде тој.
Пред избувнувањето на војната, Соединетите Држави се обидоа да го вклучат прашањето за балистичките ракети, како и поддршката што Техеран им ја дава на вооружените сојузнички групи во регионот во преговорите за иранската нуклеарна програма.
Американскиот претседател Доналд Трамп во последните денови остави впечаток дека го омекнал својот став за иранското ракетно прашање.
„Велам дека е малку неправедно што ги немаат, ако ги имаат другите земји“, рече тој минатата недела на самитот на Г7 во Франција.