Македонија

Илиевски за Михаилова: На фанфари ја дочекаа добриве соседи, па ќе ја шетаат ко мечката Божана

Не сме чуле дека била дискриминирана бидејќи била Бугарка пред сообраќајката во која има еден загинат, коментира ТВ-водителот

По бегството од Македонија на Ива Михаилова, телевизискиот водител Богдан Илиевски го сподели на Фејсбук своето чувство дека „уживаат во понижувањата кон нас, добрите соседи“.

„Не сме чуле дека била дискриминирана бидејќи била Бугарка пред сообраќајката во која има еден загинат. Е, после сообраќајката – започнала дискриминацијата. И на фанфари ја дочекаа добриве соседи, па ќе ја шетаат ко мечката Божана, ко трофеј, впрочем – ко Кристијан Пендиков пред неколку години, кој исто така пред тепачката не го знаевме ко дискриминиран Бугарин во Македонија. Ко /покојна/ Спаска Митрова пред 20-тина години.

Ова е школски пример за мотивирано расудување. Соседиве прво го поставуваат заклучокот (кој е политички ангажиран и во политичка функција) дека Македонија ги дискриминирала Бугарите (па затоа мора да се во уставот), а потоа ги ангажираат сите расположливи државни ресурси за да измислат аргументи што ќе го потврдат тврдењето. Не тргнуваат од фактите за да дојдат до заклучок, туку тргнуваат од заклучокот и бараат факти што ќе им се вклопат во него.
Утреден дискриминација ќе е славењето на 11-ти октомври. Или евентуалната забрана за славење на 3-ти март, санстефанскиот влажен сон кон Македонија. Чисто да се има предвид. Бидејќи, за жал, имам чувство дека уживаат во понижувањата кон нас, добрите соседи.
И тука се работи народски кажано за нездрава работа. И навистина треба лечење, и тоа точно во Бугарија треба лечење. Ама не за поставената дијагноза во случајот со Ива.
Неа и посакувам добро здравје, ама сценариото се гледа од авион. Дури и од истиот авион со кој дојдоа, го земаа Пендиков и го однесоа во Софија. Ништо чудно деновиве во болница да биде посетена и од Радев и од Јотова. „Спасителите на дискриминираните Бугари од Македонија“ 🙂
Македонија може лекции да држи за почитување човекови права и почитување различности. За разлика од Бугарија која тврди дека Македонци со сопствен идентитет, различен од нивниот, ‘нема и не може да има’“, коментира Илиевски.

Најнови вести од: Македонија

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

To top