Дваесет и осумгодишен жител на тетовското село Седларево почина вчера како последица на тешки повреди здобиени при несреќен случај при работа. Несреќата се случила во атарот на дебарското село Горно Мелничани додека младиот човек извршувал активности за сеча на дрва, соопштија од Министерството за внатрешни работи.
Инцидентот во полициската станица во Дебар бил пријавен вчера во попладневните часови, поточно во 14:20 часот. По добиениот аларм, медицинска екипа со возило на Итната медицинска помош веднаш се упатила на терен за да му укаже прва помош на повредениот М, објави 4news.mk Л. (28). Поради сериозноста на повредите, тој итно бил упатен кон специјализираната болница за ортопедија и трауматологија „Свети Еразмо“ во Охрид.
За жал, и покрај брзата реакција на медицинскиот тим, младиот маж им подлегнал на тешките повреди во текот на транспортот кон Охрид. При пристигнувањето во болницата, дежурниот лекар можел само да констатира смрт, за која било утврдено дека настанала без видливи траги на насилство.
На местото каде што се случила трагедијата веднаш излегле полициски тимови од ОВР Дебар за да го обезбедат просторот и да соберат првични докази.