Македонија

МПЦ-ОА до Вучиќ: Ги отфрламе сите политички, идеолошки светови или платформи, од каде и да доаѓаат!

По повод неодамнешната изјава на српскиот претседател Александар Вучиќ дека „Српската Црква е иста и во… Скопје…“ денеска реагира Архиерејскиот синод на Македонската Православна Црква – Охридска Архиепископија (МПЦ – ОА).

1 минута за читање

Синодот потсетува дека како наследничка на Јустинијана Прва и на обновената Охридска Архиепископија, Македонската православна црква– ОА ја остварува својата духовна и пастирска мисија кон сите православни христијани на својата канонска територија, без каква било условеност од нивната национална, политичка, културна или етничка припадност.

-Длабоко свесна за својата историска улога и за одговорноста кон духовниот живот на македонскиот народ, таа останува Црква отворена за сите, надминувајќи ги сите минливи политички, идеолошки и општествени поделби. МПЦ – ОА ги отфрла сите политички, идеолошки светови или платформи, од каде и да доаѓаат – се нагласува во соопштението.

Српскиот претседател Александар Вучиќ изјави деновиве: – Српската црква е една и иста. Таа е иста и во „во Мркоњиќ-град, Пирот, Сиднеј, Скопје, Франкфурт, Мелбурн и на секое друго место во светот.“ 

СПЦ имаше јурисдикција врз епархиите во Македонија до 1967 година кога МПЦ-ОА прогласи автокефалност, а која од Белград беше признаена во 2022 година.

Поврзани теми:

Претседател на Србија Александар Вучиќ|топ|Македонска православна црква - Охридска архиепископија

Најнови вести од: Македонија

Се води ли војна преку водата за пиење и зошто нема доверба во институциите?!

22 дена во градскиот водовод во Гостивар биле вклучени пумпи кои наводно го полнеле системот со вода од површински канал од реката Вардар, наводно за да се зголеми притисокот во летниот период. Ова навидум наивно објаснување актот во Гостивар, кој практично имаше ефект на терористичко дело, за жал беше „поткрепено“ со документ од државна институција.

(Колумна): Ладење со вентилатор?

За време на големите топлински бранови (горештини) во некои европски земји (Франција, Англија, …) на телевизија гледавме сцени како наутро при отворање на продавници се создаваа големи турканици за купување било какви апарати за ладење, а најчесто гледавме како грабаат вентилатори.

Македонија скокна за 29 позиции на Глобалниот индекс за сајбер безбедност

Македонија бележи значителен напредок на Глобалниот индекс за сајбер-безбедност (National Cyber Security Index – NCSI), искачувајќи се за 29 позиции и достигнувајќи го 30. место меѓу 155 рангирани држави и територии.

ВМРО ДПМНЕ: СДС пак се обиде да произведе „изјава“ за „разговори под радарот“, што Муцунски никогаш не ја дал!

СДС денес повторно се обиде да произведе „изјава“ што министерот Муцунски никогаш не ја дал, тврдат дека рекол дека разговорите се водат „под радарот“. Има само еден мал проблем: таква изјава нема.“ – реагира ВМРО ДПМНЕ.

Мицкоски: Мора да ја ослободиме иднината од етнички тензии, а Македонија да биде постабилна држава, во која ќе се почитуваат различностите!

„Време е политиката сè помалку да се занимава со тоа што нè разделува, а многу повеќе со она што заеднички треба да го изградиме“, порачува претседателот на Владата на Република Македонија Христијан Мицкоски на годишнината од Рамковниот договор.

Селими: Политичката доктрина „Македонија на Македонците“ е можна опасност за нови тензии во иднина!

„Непишаната политичка и институционална доктрина ‘Македонија на Македонците’, според која државата е исклучива сопственост на еден етникум, беше извор на минатите тензии и останува можна опасност за идни тензии. Охридскиот рамковен договор го запре судирот од 2001 година и ја спаси Македонија да не падне во бездната, овозможувајќи ѝ да остане унитарна држава, а Албанците добија механизми што требаше да им гарантираат вистинско учество во државата: фер и соодветна застапеност.“ – нагласува политичкиот аналитичар Сефер Селими од Скопје во својата колумна со наслов „Македонија на Македонците“: од мир до враќање на судирот“, која ја објави информативната агенција Илирија-ИНА.
Сите вести од Македонија

Најнови вести

To top