Македонија

(Фото): Македонската навигација стави во употреба нов систем за посигурно небо

Македонската навигација (М-НАВ) пушти во употреба нов систем за управување со воздушниот сообраќај, кој треба да ја зголеми безбедноста и да им го намали оптоварувањето на контролорите во услови на зголемен број летови над Македонија.

2 минути за читање

Македонското небо добива нова технологија за управување и контрола на воздушниот сообраќај. Македонската навигација стави во употреба нов систем, а до крајот на септември се очекува во функција да биде и новиот радар инсталиран на контролната кула во Скопје. Вицепремиерот и министер за транспорт, Александар Николоски, рече дека со двата системи се подигнува нивото на безбедност во управувањето со македонскиот воздушен простор.

Дополнително, во 2025 година бил поставен и нов радарски систем на контролната кула во Скопје, кој, според Николоски, се наоѓа во завршна фаза на тестирање.

  • „Со воведувањето на овие два система – АТМ системот и новиот радар – целосно го покриваме македонското небо на највисоко ниво што во моментот во светот може да се најде во контролата на безбедноста“, порача Николоски. 

Од М-НАВ велат дека новиот систем не претставува само замена на опремата, туку ќе обезбеди постабилна технолошка основа за понатамошниот развој на воздухопловната навигација.

  • Со новиот систем пред сè ја стабилизираме М-НАВ како давател на услуги и обезбедуваме поголемо ниво на сигурност, а ова е особено важно кога воздушниот сообраќај на македонското небо бележи енормен пораст. Една од важните придобивки е и намалување на оптоварување на контролорите на летање. Со подобра автоматизација, презентација и обработка на податоците и современите алатки кои се користат при рутинските работи на контролорите на летање, се создаваат условите поефикасно и побезбедно истите да се справуваат со воздушните операции. Тоа директно влијае на зголемување на капацитетот на македонскиот воздушен простор – појасни Владимир Ристески, претседател на УО и Извршен директор на Секторот за воздухопловна навигација на денешната прес-конференција.

Значењето од новата опрема е уште поголемо ако се земат предвид бројките дека има над 12% раст во првите шест месеци од годинава, во однос на 2025 на бројот на прелети над македонското небо. Министерот дополни дека бројот на патници ќе расте, оти само во првите шест месеци од 2026, над воздушниот простор на Македонија се извршени околу 173 илјади летови. Само во јули се регистрирани околу 42 илјади летови.

Поврзани теми:

топ|актуелно|М-НАВ|радар|контрола на летање|авиони|Александар Николоски

Повеќе на оваа тема:

Најнови вести од: Македонија

(Фото): Во Македонија една третина од смртните случаи се од кардиоваскуларни заболувања

Од кардиоваскуларни заболувања минатата година во земјава починале 6.888 лица, а овие заболувања учествуваат со 34 отсто во вкупниот морталитет. Со стапка на смртност од 378,4 на 1.000 жители, кардиоваскуларните заболувања се на прво место меѓу причините за смртност.

Поплавена зградата на „Нова Македонија“

Пет до шест дена ќе бидат потребни за нормално функционирање на зградата на „Нова Македонија“, откако е утврдено дека поплавата ја предизвикала пукната топловодна цевка на вториот кат, изјави директорот на Службата за општи и заеднички работи на Владата, Ивица Томовски.

Стојков: Грција и Бугарија ќе го користат примопредавањето на моштите на македонскиот цар Самуил за пропаганда против Македонија!

„Свечената“ објава на бугарскиот премиер Румен Радев дека в сабота, на 3 октомври, Грција ќе ѝ ги предаде посмртните останки од цар Самуил (починат 1014 година), одекна не како историско-научна сензација, туку токму така како што беше и конструирана – со политичко тенденциозност спрема Македонија. Ова се нагласува во статијата со наслов „Стојков: Не е сигурно дека моштите се на цар Самуил, а Бугарија и Грција немаат ни правна основа за нивно примопредавање“, која ја објави информативниот портал „МКД.мк“

(ВИДЕО) Разбиена е криминалната и терористичка група од Скопје, кај која е пронајдено знаме на „Исламска држава“! – Кривична пријава за тројца (Видео)

МВР информира дека вчера Одделот за сузбивање на организиран и сериозен криминал во соработка со Агенцијата за национална безбедност, Одделот за специјални полициски операции и СВР Скопје, под раководство на надлежен јавен обвинител од Основното јавно обвинителство за гонење на организиран криминал и корупција, спроведе координирана полициска акција, во која е сузбиена организирана криминална група од Скопје, инволвирана во вршење на кривични дела од областа на тероризам и недозволена трговија со оружје.
Сите вести од Македонија

Најнови вести

To top