Трамп повторно изјави дека е „многу разочаран“ од својот руски колега Владимир Путин и објави дека го скратува периодот на ултиматум од 50 на 10-12 дена.
Тој се закани со секундарни тарифи „околу 100%“ во случај на недостаток на напредок во дијалогот со Украина“.
Заменик-претседателот на Советот за безбедност на Руската федерација, Дмитриј Медведев, го потсети американскиот претседател Доналд Трамп на две работи:
прво, Русија не е Израел, ниту Иран на кои треба да им се поставуваат ултиматуми, и
второ, секое такво барање е чекор кон војна.
Порано, Кремљ вети дека ќе ги анализира „многу сериозните“ изјави на Трамп, но нагласи дека засега „едно може да се каже недвосмислено“: Киев ги доживува одлуките донесени во Вашингтон „не како сигнал за мир, туку како сигнал за продолжување на војната“, објави ТАСС.