Адвокатот Умејр Мухамеди, поранешен советник во кабинетот на ексградоначалничката на Скопје, Данела Арсовска, сподели на Фејсбук фотографии од својот престој во украинскиот град Лавов, а меѓу реакциите под нив самиот откри дека за малку ќе завршел како мобилизиран во украинската армија среде војната со Русија!
„Ме застанаа еднаш“, реплицира Мухамеди на советот од негов следач: „Внимавај да не те соберат тие што вршат регрутација“.
Лавов е град во западниот дел од Украина, близу границата со Полска, а мобилизацијата, во последно време (нај)често насилна, според видеата што кружат на социјалните мрежи, не е нешто непознато ни за тој дел на земјата.