Поранешниот потпретседател на СДСМ и актуелен пратеник Фатмир Битиќи, добил понуда повторно да се врати во раководните структури на партијата, како потпретседател на партијата.
Битиќи даде оставка на функцијата потпретседател на СДСМ по поразот на парламентарните избори во 2024 г.
„Размислувам, разговарам со сите страни и многу брзо ќе разговарам повторно со претседателот“, рече Битиќи.
Односите со претседателот на СДСМ, Венко Филипче, Битиќи ги оценува како коректни и професионални.
Во однос на меѓусебните обвинувања кои си ги упатуваат Филипче и поддржувачите на Платформата 12:05 и што е тоа што кај него, сепак, влева надеж за дијалог, Битиќи вели дека очекува кај двете страни да преовладаат интересите за доброто на партијата.
„Па јас сум убеден, верувајте убеден сум дека луѓето коишто ја сакаат партијата, ги почитуваат, ги сакаат социјалдемократските вредности, дека во суштина ќе се издигнат над можеби вообичаените, еве да не ги наречам со некој лош збор, надвор дневните нелагодности и ќе кажат океј, ќе оставиме се ова на страна, ајде да седнеме на маса, да видиме што е добро за партијата. Тоа се уште ми дава одреден оптимизам дека заедничката маса е решението“, вели Битиќи..
Запрашан „што ако тоа не се случи“, Битиќи со одговор:
„Па можеби само ќе им посакам среќа на двете страни“..