Претседателката на средба со граѓани и активисти била изворно информирана за проблемите со депонијата Буково која се наоѓа во близина на Охрид.
На средба со основачите на граѓанската иницијатива „Збогум Буково“ – Охрид, Драгана Карашова, Ѓорѓи Љатко, Симеон Карашов и Љиљана Илиевска таа била информирана за нивните активности во справувањето со отпадот на депонијата „Буково“ и воопшто, со заштитата на животната средина во Охрид и околината.
,,За нив состојбата сѐ уште е загрижувачка, со оглед на фактот дека депонијата честопати се пали, ширејќи чад со канцерогени материи, коишто стигнуваат до градот и околните населби.
Разговаравме и за можното трајно решение, врзано за регионална депонија, како и за потребата од оневозможување на депонирањето на отпадот, преку Законот за комунална полиција”, објави претседателката која вели дека за сите е неспорно дека идеја водилка во заштитата на животната средина мора да биде еколошката филозофија и ,,дека нашиот здрав живот директно е предодреден од здравјето на природата, па штитејќи ја неа, се штитиме себе си”.